Қарақалпақстанның 14 районында ҳәм Нөкисте салынатуғын жаңа үйлердиң ҳәммеси тәбийий газ бенен тәмийинлене ме?

Қарақалпақстанның 14 районында ҳәм Нөкисте салынатуғын жаңа үйлердиң ҳәммеси тәбийий газ бенен тәмийинлене ме?

Қарақалпақстанның 14 районында ҳәм Нөкисте салынатуғын жаңа үйлердиң ҳәммеси тәбийий газ бенен тәмийинлене ме? Бул сораўға «Шимолгазтаъминот» унитар кәрханасының Газди есапқа алыў ҳәм бөлистириў бөлиминиң жетекши инженери Нурлан Джуманиязов жуўап береди.

Өзбекистан Республикасы Президентиниң 2016-жыл 21-октябрьдеги “2017-2021-жылларда аўыллық массивлерде үлги жаңа жойбарлар тийкарында қолайлы болған арзан турақ жайлардың қурылыс Бағдарламасы ҳаққында”ғы ПҚ-2639-санлы карарына тийкарланып, Қарақалпақстан Республикасы аймағының 14 районының 33 массивинде 1362 дана арзан үй-жайлар қурыў режелестирилген. Соннан 107 үй-жай суйылтылған газ бенен 1255 данасы тәбийий газ бенен тәмийинленеди.

Өзбекистан Республикасы Президентинин 2016-жыл 22-ноябрьдеги “2017-2020-жылларда қалалық жерлерге қолайластырылған көп қабатлы турақ жайларды тазадан қурыў ҳәм реконструкциялаў бағдарламасын әмелге асырыў ис-илажлары ҳаққында”ғы ПҚ-2660-санлы қарарына тийкарланып, Нөкис қаласы, Абдамбетов көшесинде 5-қабатлы 315 хожалықлы 7 дана көп қабатлы арзан үй-жайлар қурыў режелестирилген.

Өзбекистан Республикасы Президентиниң 2016-жыл 22-декабрьдеги «Мәмлекет органларының районлық буўынлары ҳәм мәҳалле ҳәкимликлери баслықлары ушын хызмет үйлерин қурыў бағдарламасы ҳаққында»ғы ПҚ-2693-санлы қарарына тийкар 2017-жылда Қарақалпақстан Республикасы Нөкис қаласы ҳәм Кегейли, Тахтакөпир, Шоманай ҳәм Мойнақ районларында жәми 61 дана хызмет үйлерин қурыў режелестирилген.

Өзбекистан Республикасы Президентиниң 2017-жыл 30-марттағы “Өзбекистан Республикасы Қорғаныў Министрлиги әскерий хызметкерлери ушын турақ жайлар қурыў бағдарламасы ҳаққында”ғы ПҚ-2858-санлы қарарына тийкар, Нөкис қаласы 22-киши районында 8 дана үйлер қурыў режелестирилген.

Жоқарыдағы қурылысы режелестирлген үй-жайлардың сыртқы газ тармағын тартыў бойынша жойбар смета ҳүжжетлери таярланып, ҳәр түрли диаметрдеги газ трубалар жәмленбекте. Газ тармағын тартыў «Шимолгазтаъминот» УК қараслы «Оңлаў ҳәм қурыў» бригадасы тәрепинен әмелге асырылады.

Сәўбетлескен журналист,
Лола Қаллыханова

Фото: makan.uz
скачать dle 10.6фильмы бесплатно



  • 9-05-2017, 18:09 |
  • 1 583