Нөкисте мәмлекетлик хызметлер көрсетиў сапасын жақсылаў бойынша  семинар өткерилди

Нөкисте мәмлекетлик хызметлер көрсетиў сапасын жақсылаў бойынша  семинар өткерилди

  

Усы жылдың 30-июль күни Нөкис қаласы «Жаслар  орайы»ның  мәжлислер залында Өзбекстан Республикасы Әдиллик министрлиги жаныӊдағы Мәмлекетлик хызметлер агентлиги Қарақалпақстан Республикасы басқармасы тәрепинен “Мәмлекетлик хызметлер көрсетиў сапасын жақсылаў”  бойынша ўәкилликли уйымлар қатнасыўында (Ишки ислер министрлиги, архитектура, кадастр, бәнтликке көмеклесиў орайы ҳәм комуннал хызмет көрсетиўши уйымлар ҳәм басқа) семинар болып өтти.  

Бүгинги күнде физикалық ҳәм юридикалық шахсларға 100 ден зыят мәмлекетлик хызметлер көрсетиў жолға қойылған болып, жыл басынан усы күнге шекем Қарақалпақстан Республикасы  Мәмлекетлик хызметлер орайлары тәрепинен пуқаралар ҳәм исбилерменлик субъектлерине жәми 561 мыӊнан зыят мәмлекетлик хызметлер көрсетилген.

Сондай-ақ, мәмлекетлик хызметлер көрсетиў ҳәмде мүрәжатларды көрип шығыў ўақытында ўәкилликли органлар тәрепинен мәмлекетлик хызметлер көрсетиў тәртиби ҳәм мүддетлериниң бузылыўы жағдайларының ушырасып атырғанлығы өткерилген иләж даўамында айрықша атап өтилди.

Нөкисте мәмлекетлик хызметлер көрсетиў сапасын жақсылаў бойынша  семинар өткерилди

 

Атап айтқанда, ўәкилликли уйымлар тәрепинен мәмлекетлик хызметлер көрсетиў тараўында 6 мыңнан аслам нызам ҳүжжетлерин бузыў жағдайлары анықланған. Соннан тийисли мекеме ҳәмде шөлкемлердиң 109 лаўазымлы шахслары ҳәм жуўапкер хызметкерлерине ҳәкимшилик жаза шарасы қолланылып, 53ине ескертиўлер берилген.

Семинар ашық, сын руўҳта өтти. Семинар қатнасыўшылары өзлерин қызықтырған сораўларына тийисли жуўаплар алды, тараўда жол қойылып атырған кемшиликлер ҳәм оларды сапластырыў  бойынша усыныслары тыңланды. Соның менен бирге Мәмлекетлик хызметлер көрсетиў сапасын жақсылаў, пуқаралардыӊ ўақтын үнемлеў ҳәм қағазбазлық жағдайларға жол қоймаў мәселелери кең түрде талқыланды.

 

Артур Давлетов

 

Мәмлекетлик хызметлер агентлиги Қарақалпақстан Республикасы басқармасы Мәмлекет органлары

ҳәм басқа шөлкемлер тәрепинен мәмлекетлик

хызметлерин көрсетилиўи үстинен

қадағалаў бөлими баслығы

скачать dle 10.6фильмы бесплатно



  • 31-07-2019, 23:29 |
  • 432