Лаўазымлы шахс 300 АҚШ доллар пара алып атырғанда усланды

Лаўазымлы шахс 300 АҚШ доллар пара алып атырғанда усланды

«Нәпси деген бәледур, түрли жолға саладур» деп ата-бабаларымыз айтқанындай, нәпсиңди өз ўақтында тыя билмесең, басыңа тәшўиш арттыратуғының турған гәп. Ўақтында өз нәпсин жылаўлай билмеген, Беруний районы «Мақтымқулы» аўыл пуқаралар жыйыны аймағында жасаўшы И.К. бүгинги күни өз басына қаншама тәшўиш арттырмады дейсиз!

Ол буннан алдын да Жынаят ислери бойынша Беруний районы суды тәрепинен Жынаят Кодексиниң айырым статьялары менен жәрийма жазасы тайынланғанынан тийисли жуўмақ шығармаған көринеди. «Адолат» социал-демократиялық партиясы ағзасы, районлық Кеңестиң депутаты К.И. бул сапары Қарақалпақстан Республикасы Архив ислери басқармасы Беруний районы мәмлекетлик архиви директоры лаўазымында ислеп атырып, өткен жыл март айының ақырында райондағы «Кангшартол» аўыл пуқаралар жыйынында жасаўшы пуқара Г.Ю. өмирлик жолдасы В.Г.ның бурынғы «Беруний» совхозы «Наўайы» бөлиминиң екинши бригадасында ислеген дәўириндеги ис ҳақыларын толық жазып бериў есесине алдын-ала пул бериўин талап етип, оны пара бериўге мәжбүр ететуғын дәрежеге алып келип, нызамға қайшы келетуғынлығын биле тура хызмет ханасында Г.Ю.дан 300 АҚШ долларын пара сыпатында алған пайытында ҳуқық қорғаў уйымы хызметкерлери тәрепинен қолға алынды.

Әне, дәмегөйликке берилген К.И.тиң бул жынайый ҳәрекети суд уйымы тәрепинен ҳәр тәреплеме нызам шеңберинде көрип шығылып, тийисли жазаға ҳүким етилди.

Б.ҚУРБАНОВ


Дерек: erkinkarakalpak.uzскачать dle 10.6фильмы бесплатно



  • 5-05-2017, 12:36 |
  • 578