Тақиятас ыссылық электр станциясында авария жүз берди

Тақиятас ыссылық электр станциясында авария жүз берди

 

18-июль күни азанда Тақиятас ыссылық электр станциясында (ЫЭС) авария жүз берди. Нәтийжеде Хорезм ўәлаяты ҳәм Қарақалпақстан Республикасының бир неше районлары электр энергиясыз қалды, деп хабар берди  Kun.Uz хабаршысы.

Тақиятас ЫЭС басшылығы авария болғанын тастыйықлады. Ҳәзир авария ақыбетлерин сапластырыў жумыслары алып барылмақта. Оның қашан жуўмақланыўы белгисиз.

Тақиятас ЫЭС 1974-жылы иске қосылған. Қуўаты 730 МВт электр энергиясын ислеп шығыўға арналған. Тийкарғы жанылғысы – тәбийий газ, захира жанылғысы – мазут есапланады. Тақиятас ЫЭС Қарақалпақстан Республикасы ҳәм Хорезм ўәлаятын электр энергиясы менен тәмийинлейди.

«Қарақалпақ аймақлық электр тармақлары кәрханасы» АЖ өзиниң телеграм тармағындағы каналда:

«Электр энергиясын ислеп шығарыўшы станцияларында жанылғы ресурсларының ҳəм қуўатлылық жетиспеўшилиги себепли ҳəмде Тақиятас ЫЭСда №7-8 энерго блокта ремонт жумыслары алып барылыўына  байланыслы  Қаракалпақстан Республикасының барлық қала ҳәм район аймақларында 2019-жыл 18-июль күни саат 12:00 ден баслап электр энергиясы менен тәмийинлеўде шеклеўлер киргизилетуғынын ескертемиз», деген дағаза жайластырды.

 

Аўдарма: makan.uz

скачать dle 10.6фильмы бесплатно



  • 18-07-2019, 14:02 |
  • 2 005