Нөкис қаласының жергиликли бюджет дәраматлары

Болжаў көрсеткишлери ҳәм қәрежетлериниң орынланыўы

Өзбекстан Республикасы Президентиниң 2018-жыл 26-декабрьдеги ПҚ-4086-санлы қарарына талаплардан келип шығып Нөкис қаласы жергиликли бюджети дәраматлар бөлеги бойынша 2019-жыл биринши ярым жыллықта 29 миллиард 564 миллион сўм етип белгиленип, реже 125,5 процентке орынланды, өткен жылға салыстырғанда 9 миллиард 332,7 миллион сўмға артық өндирилди.

Жергиликли  бес салық түрлериниң орынланыўы бойынша:

– физикалық тәреплердиң мал-мүлк салығынан реже 3 миллиард 690,4 миллион сўм болып, ҳақыйқатта 3 миллиард 737,3 миллион сўм өндирилип, өткен жылға салыстырғанда 1 миллиард 698,3 миллион сўмға артық өндирилди;

– физикалық тәреплердиң жер салығынан реже 3 миллиард 677,6 миллион сўм болып, ҳақыйқатта 4 миллиард 942,2 миллион сўм өндирилип, өткен жылға салыстырғанда 2 миллиард 301,3 миллион сўмға артық өндирилди;

– жергиликли салықлар ҳәм түсимлерден реже 1 миллиард 621,0 миллион сўм болып, ҳақыйқатта 2 миллиард 156,8 миллион сўм өндирилип, өткен жылға салыстырғанда 1 миллиард 353,8 миллион сўмға артық өндирилди;

– исбилерменлик пенен шуғылланыўшы юридикалық ҳәм физикалық тәреплердиң алынатуғын турақлы (патент) белгиленген дәрамат салығынан
2 миллиард 597,2 миллион сўм реже белгиленип, ҳақыйқатта 4 миллиард 292,1 миллион сўм өндирилди;

– базарлар дәраматынан түсимлер бойынша 1 миллиард 270,8 миллион сўм реже белгиленип, ҳақыйқатта 1 миллиард 609,3 миллион сўм өндирилди.

 

Қәрежетлер бөлеги

Нөкис қаласы жергиликли бюджети анықланған режеге муўапық киритилген өзгерислерден кейин жәми 2019-жылдың биринши 6 айы даўамында жәми 178 миллиард 217 миллион сўмға реже белгиленип, 180 миллиард 845 миллион сўмға қаржыландырылып берилди, яғный, орынланыўы 101 процентти қурады.

Соннан:

– мәмлекетлик басқарыў уйымлары қәрежетлери – 16 миллиард 628,4 миллион сўм болып, орынланыўы 101 процентти;

– өзин-өзи басқарыў ўйымлары қәрежетлери – 2 миллиард 474,6 миллион сўм болып, орынланыўы 100 процентти;

– аўыл хожалығы қәрежетлери – 319,6 миллион сўм болып, орынланыўы 97 процентти;

– абаданластырыў қәрежетлери – 8 миллиард 335,7 миллион сўм болып, орынланыўы 96 процентти;

– денсаўлықты сақлаў қәрежетлери – 20 миллиард 571,7 миллион сўм болып, орынланыўы 98 процентти;

– мәденият ҳәм спорт ислери қәрежетлери – 2 миллиард 820,0 миллион сўм болып, орынланыўы 103 процентти;

– халық билимлендириў тараўы қәрежетлери – 121 миллиард 41,3 миллион сўм болып, орынланыўы 96 процентти;

– социаллық бийимлестириў орайы қәрежетлери – 96,3 миллион сўм болып, орынланыўы 92 процентти;

– пуқараларға жеткизилген материаллық ҳәм руўхый зыянды қаплаў қәрежетлер – 6 миллиард 258 миллион сўм болып, орынланыўы 100 процентти;

– қала ҳәкимлигиниң сақлаўлы қоры қәрежетлери – 1 миллиард 25,8 миллион сўм болып, орынланыўы 94 процентти;

– адвокатлық хызмети қәрежетлери – 56,5 миллион сўм қаржылар сарпланып, орынланыўы 83 процентти қурады.

Өзбекстан Республикасы Президенти тәрепинен жергиликли бюджетлердиң прогноз көрсеткишлериниң артық орынланған бөлеги есабынан пайда болған қаржыларды мақсетли ҳәм нәтийжели пайдаланыў бойынша тийисли тапсырмалар белгилеп берилген еди. Соның ишинде, қосымша дереклердиң кеминде 10 процентин жәмийетлик пикирлер тийкарында пайда болған илажларға сарыплаў бойынша тапсырма берилген.

Усы тапсырмаларды орынланыўын тәмийинлеў мақсетинде Өзбекстан Республикасы Қаржы министрлигиниң “Ашық бюджет” сайты (openbudget.uz) иске қосылған болып, ҳәр бир пуқара қосымша дереклер есабынан әмелге асырыў зәрур болған илажлар бойынша пикирлерин билдириў имканияты бар. Нөкис қаласы бойынша бугинги кунге шекем пуқаралардан 40 тан аслам пикир билдирилген болып, пикир ҳәм усыныслардың келип тусиўи даўам етип атыр. Соннан, 16 пуқара көп қабатлы турақ жайлардың әтирапларын абаданластырыў, спорт майданшаларын ҳәм шығынды таслаў орынларын қурыў ҳәм оңлаўға (8), ҳәмде жергиликли мектепке шекемги ҳәм улыўма билим бериў мәкемелерин оңлаў, маетриаллық-техникалық базасын беккемлеў, оларда китапхана фондларын толықтырыў ҳәм жаңалаў ушын (8) ажыратыў бойынша өз пикирлерин билдирген.

Усы себеп пенен қала турғынларын жоқарыда көрсетилген вэб-сайт арқалы өз пикирлерин билдириўди сорап қаламыз.

 

Қ.Юсупов,

Нөкис қаласы Қаржы бөлими баслығы

 

Дерек: Нөкис қаласы ҳәкимлиги

 

скачать dle 10.6фильмы бесплатно



  • 16-07-2019, 12:12 |
  • 781