Нөкисте ЖПХ хызметкерин кемситкен пуқара жуўапкершиликке тартылды

Хабарыңыз бар кейинги ўақытларда пуқаралар тәрепинен ЖПХ хызметкерлерин хызмет бабында видеоға түсирип интернет тармағында «өз хызметин билмейди» мазмунында видеолар тарқалмақта.
Дурыс, айырым ЖПХ хызметкерлери базы бир ўақытлары қәтеге жол қойған болыўы мүмкин, бирақ нызам алдында ҳәмме тең болғанындай, ҳәр қандай ҳуқыққа қарсы ҳәрекетлер белгиленген тәртипте жуўапкершиликке себеп болады. 
Усындай ҳәрекетлердиң бири Нөкис қаласы Орайлық Дийхан базары жанында транспорт басқарыўшысы ҳәм ЖПХ хызметкерлери арасында болып өтти.
2019-жылдың 25-май күни саат 19:30 әтирапларында пуқара А.С өзиниң «Малибу» маркалы автомашинасы менен Е.Алакөз көшеси арқалы бурылып келип Нөкис Дийхан базары алдындағы бәндирги жанынан өтип турған қосымша жолдан өткен ўақтында Қарақалпақстан Республикасы Ишки ислер министрлиги Жол ҳәрекети қәўипсизлиги басқармасы Жол патрул хызметкери инспекторы А.Е. тәрепинен иркиледи ҳәм «Жол ҳәрекети қағыйдалары»ның 5.12-бәнти талапларын бузғанлығын айтып транспорт басқарыўшысынан ҳүжжетлерин сорайды. А.С. ҳеш кандай кағыйданы бузбағанлығын айтаты, бирақ инспектор оны жол ҳәрекети қағыйдаларын бузғанлықта айыплағанлығы себепли пуқара уялы телефоны арқалы видеоға түсирип, инспекторға қарата «Ақмақ» сөзин қайта-қайта қолланып, ҳәр түрли сөзлер менен бир неше мәрте кемситеди ҳәм түсирген видеосын интернет тармағы арқалы жәриялайды.

Қарақалпақ мәмлекетлик университети прoфессоры М.Қудайбергеновтың Нөкис, ИИО ЖМБ 5-санлы ИИБ баслығына жоллаған хатында «Ақмақ» сөзи кемситиў сөзлер қатарына киретуғынлығы көрсетилген.

А.С. шахстың қәдир қымбатын қасттан кемситиў сөзлер айтқан ҳәрекетлери менен Өзбекстан Республикасы Ҳәкимшилик Жуўапкершилиги хаққындағы Кодекстиң 41-статясында нәзерде тутылған ҳуқықбузарлықты ислеген. Дурыс мың қыяллар менен жолда транспорт басқарып жүрген адамды тийкарсыз айыплағаннан кейин ҳәрқандай адамның ашыўы келиўи анық, оның үстине инспектор ҳақыйқаттан да жол ҳәрекети кағыйдаларын толық билмесе.

Кемситилип атырған инспектор жуўап қайтарыў ушын ҚР ИИМ ЖҲҚБнен видеокамера менен эвакуатор автомашинасын шақырады ҳәм арада жәнжел келип шығады.

Жоқарыда көрсетилген ўақыя бойынша болып өткен судта ҳуқықбузыўшы А.С ЖПХ хызметкерине қарата кемситиў сөзлер айтқанын мойынлайды, бирақ жол ҳәрекети қағыйдаларын бузбағанлығы туўралы көрсетпе береди ҳәм инспектордан кемситкени  ушын кеширим сорайды.

Инспектор А.Е менен транспорт басқарыўшысы арасында келиспеўшилик келип шығып, хызмет бабында қәтеликке жол қойғаны ушын лаўазымынан босатылады. Кең жәмийетшилик алдында кемситилгени ушын инспектор ҳуқықбузыўшыға кеширим бермейди.

Суд мәжилисинде көрсетпелер тыңланып, хуқуқбузыўшының кеширим сорағанын ҳәм шаңарақлық жағдайын есапқа алып, суд тәрепинен А.С.ға Өзбекстан Республикасы Ҳәкимшилик жуўапкершилик ҳаққындағы кодекстиң (ҲЖҳК) 41-статясында көрсетилген ҳуқықбузарлықты ислеген деп есаплайды ҳәм ең кем ис ҳакысының 20 есеси муғдарында жәрийма жаза шарасы белгиленди.

Еслетип өтемиз, ҳуқықбуыўшының бул ҳәрекети бириниши мәрте емес. Буннан алдын ол 2018-жыл 1-август күни ӨзР ҲЖҳКниң 1283-статясы 1-бөлими менен, 2018-жыл 18-ноябрь күни сол Кодекстың 187-статясы менен 101.306 сум ҳәм 2019-жыл 4-май күни сол Кодекстың 128-статя 1-бөлими менен 101.365 сум жарыйма жазасы белгиленип, ҳәкимшилик жуўапкершиликке тартылған.

 

Дерек: zaman.uz

 

скачать dle 10.6фильмы бесплатно



  • 16-07-2019, 10:17 |
  • 3 500