Салық тараўындағы жаңа өзгерислер

Салық тараўындағы жаңа өзгерислер

 

Салық системасын жетилистириў, экономикада жасырын айланбаны қысқартырыў ҳәм Өзбекстан Республикасы салық сиясатын жетилистириў концепциясының тийкарғы жөнелислерин әмелге асырыў мақсетинде Өзбекстан Республикасы Президентиниң 2019-жыл 10-июльдағы «Салық ҳәкимиятшылығын жетилистириў бойынша қосымша ис-иләжлар ҳаққында»ғы ПҚ-4389-санлы қарарына тийкар исбилерменлик субъектлери анықланған салыққа байланыслы ҳуқықбузарлықты тән алып, мәмлекетлик салық органларының салыққа байланыслы ҳуқықбузарлық ушын жуўапкершиликке тартыў ҳаққындағы шешимди алған күннен баслап он күн мүддет ишинде финанслық жәриймаларды ықтиярый рәўиште төлесе, исбилерменлик субъектлериниң лаўазымлы шахслары яки хызметкерлери ямаса исбилерменлик пенен шуғылланыўшы пуқаралар усы ҳуқықбузарлық ушын нызам хүжжетлеринде белгиленген жынайы ҳәм ҳәкимшилиқ жуўапкершиликтен азат етиледи.  

Усы қарар менен 2020-жыл 1-январьдан баслап:

Қосылған қун салығын төлеўге өтетуғын юридикалық шахслар ҳәм жеке тартиптеги исбилерменлер мәмлекетлик салық хызмети органларында усы салық төлеўшиси сыпатында мәжбүрий есапқа алынады ҳәм бул қосылған қун салығы суммасы есапқа алыныўдың шәрти есапланады;

Қосылған қун салығын төлеўге өтиўинде усы салық суммасы қосылған қун салығын төлеўге өтилген сәнеден алдыңғы ақырғы 12 айда сатып алынған товар-материаллық зәхираның тастыйықланған қалдықлары бойынша реализация көлемине туўры келетуғын үлесте есапқа алынады.

            Қосылған қун салығын төлеўге өтиў ямаса бирден-бир салық төлеўден бас тартыў ҳаққындағы хабарнама қосылған қун салығын төлеўге өтилетуғын ай басланыўдан алдын он жумыс күнинен кешиктирместен усыныс етилиўи белгиленген.

Саўда-санаат палатасы ҳәм Пайдаланыўшылардың ҳуқықларын қорғаў жәмийетлери федерациясы тәрепинен инсаплы исбилерменди хошаметлеў ҳәм жәмийетлик қадағалаўды раўажландырыў мақсетинде «Чекти талап ет ҳәм саўға утып ал» ғалаба акциялары өткериўди шөлкемлестирилиўи белгиленген.

 

Бахадыр Даулетияров,

Өзбекстан Республикасы Президенти жанындағы исбилерменлик субъектлериниң ҳуқықлары ҳәм нызамлы мәплерин қорғаў бойынша ўәкил аппараты бас инспекторы ў.ә.  

скачать dle 10.6фильмы бесплатно



  • 15-07-2019, 17:00 |
  • 1 284