Июль айындағы жәриймалар 1-августқа шекемги нормада төленеди

Соңғы ўақытларда социаллық тармақларда 2019-жыл 1-августдан ҳәкимшилик жәриймалар муғдары асыўы ҳаққында мағлыўматлар тарқатылмақта.

Бизге белгили, нызамшылыққа муўапық жәрийма ҳуқықбузарлық анықланған ўақыттағы белгилеп қойылған ең кем айлық ис хақынан келип шыққан халда белгиленеди. Президент пәрманына муўапық 2019-жыл 1-августтан ең кем айлық ис хақының 10 процентке асыўы белгиленди. Соған көре, түрли ҳәкимшилик жәриймалардың муғдарларыда 2019-жыл 1-августдан 10 процентке асады.

Бунда, жәриймалар ҳуқықбузарлықлар исленген ўақыттағы ең кем айлық ис хақы муғдары бойынша төленеди. Мәселен, 28-июль күни айдаўшыға транспорт қуралында ҳәрекетлениўде телефоннан пайдаланылғанлығы ушын ҳәкимшилик баянлама дүзиледи. 1-августдан жәриймалар муғдары өзгериўине қарамастан, усы айдаўшы 60 күн ишинде 28-июльда әмелде болып турған жәрийманы (608 190 сумды) төлеўи лазым болады.

 

Дерек: @huqiqiymalimleme

скачать dle 10.6фильмы бесплатно



  • 15-07-2019, 15:53 |
  • 454