Исбилерменликти раўажландырыў – дәўир талабы

 

 Өзбекстан Республикасы Президентиниң 2019-жыл 7-июнь күнги «Исбилерменлик субъектлерин сапластырыў тәртип-процедураларын әпиўайыластырыў ис-иләжлары ҳаққында»ғы ПП-5739-санлы Пәрманы  менен исбилерменлик субъектлерин сапластырыў тәртибин әпиўайыластырыў, сапластырыў процесин әмелге асырыўда исбилерменлик субъектлери ушын тийкарсыз шығынға алып келиўши артықша ҳәкимшилик шеклеўлерди бийкар қылыў, бизнести жүргизиў бойынша халықаралық рейтинг ҳәм индекслерде Өзбекстан Республикасының орнын жәнеде жақсылаў, сондай-ақ 2017-2021- жылларда Өзбекстан Республикасын раўажландырыўдың бес баслығы бағдары бойынша Ҳәрекетлер стратегиясының “Жедел инвестициялар ҳәм социаллық раўажланыў жылы” бойынша әмелге асырыўға байланыслы Мәмлекетлик дәстүрде  белгиленген ўазыйпаларды әмелге асырыў жөнелислери белгилеп берилди.

Атап айтқанда:

Өзбекстан Республикасы Президенти жанындағы Исбилерменлик  субъектлариниң ҳуқуқлары ҳәм нызамлы мәплерин қорғаў бойынша ўәкил, Мәмлекетлик салық комитети ҳәм  Әдиллик министрлигиниң 2020-жылдың 1-январьдан баслап:

- финанс-хожалық искерлигин әмелге асырмай атырған ҳәм (яки) нызамшылықта белгиленген мүддетлерде өзлериниң устав фондларын қәлиплестирмеген кәрханаларды сапластырыў бойынша турақлы ислеўши арнаўлы аймақлық комиссияларды сапластырыў;

-мәлекетлик дизимнен өткерилген пайыттан берли бир жыл ишинде устав фонды шөлкемлестириў ҳүжжетлеринде нәзерде тутылған муғдарда қәлиплестирилмегенлиги ушын исбилерменлик субъектлерин сапластырыў тәртибин бийкар етиў;

-мәмлекетлик уйымлар ортасында электрон мағлыўмат алмасылыўын енгизиў арқалы исбилерменлик субъектлерин сапластырыў процесиндеги артықша ҳүжжетлер ҳәм тәртип-қағыйдаларын қысқартыў ҳаққындағы усынысларға разылық берилди.

Буннан басқа, пәрман менен 2020-жыл 1-январь төмендегише сәнесинен баслап төмендегише тәртип енгизилди, оған муўапық:

а) исбилерменлик субъектлери-юридикалық шахсларды (кейинги орынларда-кәрханалар) ықтиярый  сапластырыўда:

-бир яки бир нешше дәўирлик басылымларда кәрхананың сапластырылыўы ҳаққында дағазалар бериў талап етилмейди,  бунда тийисли мағлыўматлар дизимнен өткериўши уйымның рәсмий сайтында жайластырылады;

-мәмлекетлик дизимнен өткерилген ўақыттан баслап финанс-хожалық искерлигин әмелге асырмаған ҳәмде салықтан қарызы болмаған кәрханалардың финанс-ҳожалық искерилиги тексерилмейди;

-мәмлекетлик салық хызмети уйымлары тәрепинен өткерилетуғын, сапластырылатуғын кәрхананың финанс-хожалық искерлигин тексериўдиң ең узақ дәўири үш жылды қурайды;

-финанс-ҳожалық искерлигин тексериў ушын ўәкилликли мәмлекетлик уйымлардан кәрхана ҳаққындағы бар болған мағлыўматларды алыў Исбилерменлик субъектлерин мәмлекетлик дизимнен өткериў ҳәм есапқа қойыўдың автоматластырылған системасы (кейинги орынларда-Система) арқалы әмелге асырылады;

-кәрхананы ықтиярый сапластырыўдың улыўма мүддети дизимнен өткериўши уйым ықтыярый сапластырыў ҳаққында хабардар қылынған күннен баслап алты айдан аспаўы керек;

б) исбилерменлик субъекти-физикалық шахслар искерлигин тоқтатыўда арза бериўши тәрепинен мәмлекетлик салық хызмети уйымының салықлар ҳәм басқа мәжбүрий төлемлер бойынша қарызы жоқлығы ҳаққындағы жуўмақты алыў талап етилмейди;

в) финанс-хожалық искерлигин әмелге асырмай атырған кәрханаларды сапластырыўда:

-кәрхананы финанс-хожалық искерлигин асырмай атырған деп есаплаў ушын тийкар болатуғын мүддет тоғыз айды қурайды;

-финанс-хожалық искерлигин әмелге асырмай атырған кәрханалар мәмлекетлик салық хызмети уйымының талапнамаға тийкар дизимнен өткериўши уйым тәрепинен үш жыл мүддетке ҳәрекетсиз режимге өткериледи;

- ҳарекетсиз режимге өткерилген кәрханалар искерлиги үш жыл даўамында тикленбегенде дизимнен өткериўши уйым оларды Исбилерменлик субъектлериниң Бирден-бир мәмлекетлик реестринен шығарады.

Соның менен бирге, Системаға байланысқан мәмлекетлик уйымлар ҳәм басқа шөлкемлер тәрепинен тийисли мағлыўматлардың өз ўақтында, толық ҳәм исенимли тәризде киргизилиўин тәмийинлемеў мәмлекетлик хызметлер көрсетилиўдиң белгиленген тәртибин бузыў деп есапланады.

 Өзбекстан Республикасы Әдиллик министрлиги жанындағы Мәмлекетлик хызметлер агентлигине Системаға байланысқан мәмлекетлик уйымлар ҳәм басқа шөлкемлер тәрепинен  тийисли мағлыўматлардың өз ўақтында, толық ҳәм исенимли тәризде киргизилиўи үстинен, соның менен бирге, Система арқалы турақлы қадағалаў орнатыў жүкленген.

  Бул өз гезегинде Мәмлекетимиз тәрепинен исбилерменлик субъектлерине жаратылып атырған бундай жеӊиллик ҳәм кепилликлер, сондай-ақ исбилерменлик субъектлерин ҳәр тәреплеме қоллап-қуўатлаў халқымыздың турмыс дәрежесин асырыўына хызмет етиўи сөзсиз.

 

Т.Г.Даўлетмуратов,

Шоманай районы Мәмлекетлик

хызметлер орайы бас қәнигеси

скачать dle 10.6фильмы бесплатно



  • 12-07-2019, 16:20 |
  • 257