Өсимликлер дүньясы объектлеринен арнаўлы пайдаланыўға рухсатнама бериў тәртиби ҳаққында

Өзбекстан Республикасы Президентиниң «Халыққа мәмлекетлик хызмет көрсетиў  миллий системасын реформалаў ис-илажлары ҳаққында»ғы 2017-жыл 12-декабрдеги ПП-5278-санлы Пәрманына тийкарланып мәмлекетлик хызметлерин көрсетиў системасын  және де жедделестириў  мақсетинде Министрлер Кабинетиниң 2018-жыл  31-март 255-қарарына муўапық тәбияттан пайдаланыў тараўында өсимлик дүньясы объектлеринен арнаўлы пайдаланыўға рухсатнама бериў бойынша юридикалық ҳәм физикалық шахслар мәмлекетлик хызметлер орайлары яки Бирден бир интерактив мәмлекетлик хызметлер порталы арқалы мүрәжат етиў ҳуқықына йие болды. Өсимлик дүньясы объектлеринен арнаўлы пайдаланыўға рухсатнама алыў бойынша мәмлекетлик хызметлер  көрсетиўде  «Қызыл китап»қа киргизилмеген өсимлик түрлерин жыйнаў (таярлаў) тәбият орталығынан ажыратып алыўға рухсатнамалар алыў ушын юридикалық ҳәм физикалық шахсларға алыўға усыныс етиледи, бирақ питомниклер ҳәм плантацияларда жетилистирилген өсимликлерди жыйнаў ҳәм таярлаў ушын рухсатнама бериў талап етилмейди.

 Экология ҳәм қоршаған орталықты қорғаў мәмлекетлик комитети тәрепинен Өзбекстан Республикасының барлық аймақларындағы, мәмлекетлик Тоғай фондына кирмейтуғын жерлерден тысқары, «Қызыл китап»қа кирмейтуғын өсимлик түрлерин жыйнаў (таярлаў) тәбийий орталықтан ажыратып алыў ушын рухсатнама береди.

Рухсатнама алыў ушын арза бериўши Мәмлекетлик хызметлер орайына өзи келип мүрәжат етеди ямаса Өзбекстан Республикасы Бирден-бир мәмлекетлик хызметлер порталына  мәмлекетлик хызметлерден электрон тәризде пайдаланыў ушын дизимнен өтеди. Ози келип мүрәжат еткен жағдайда Мамлекетлик хызметлер орайы хызметкери  арза бериўшиниң атынан, бирден-бир мәмлекетлик хызметлер порталы арқалы мүрәжат еткен жағдайда болса, арза бериўшиниң өзи Мәмлекетлик хызметлерден пайдаланыў ушын сораўнаманы электрон тәризде толтырады. Сораўнамада «Қызыл китап»қа кирмеген өсимлик түрлерин жыйнаў ҳәм таярлаў нәзерде тутылған  аймақлардағы жер ийелери, жерден пайдаланыўшылардың ямаса жергиликли мәмлекетлик ҳәкимият уйымларының разылығы ҳаққындағы мағлыўматлар көрсетилген болыўы шәрт. Арза бериўшиден тийисли тәртипте көрсетилмеген мағлыўматларды, сондай-ақ басқа ҳүжжетлерди талап етиў қатаң қадаған етиледи. Зәрүр мағлыўматлар рәсмийлестирилгеннен  ҳәм сораўнамаға киргизилгенинен кейин арза бериўши оны өзиниң электрон санлы таңбасы менен тастыйықлайды.  Мәмлекетлик хызметлер орайының хызметкерлери ҳәм Бирден-бир мәмлекетлик хызметлер порталы арза бериўшилерди мәмлекетлик хызметлерден пайдаланыў ушын электрон санлы таңбасы мәжбүрий екенлигин алдын ала ескертеди. Буның ушын оларға тийисли шәраятлар жаратылады ҳәм ең кем ис ҳақының 30 пайызы муғдарында жыйым өндириледи. Оны тастыйықлаў мәлимлеме-коммуникация системалары арқалы әмелге асырылады. Арза бериўши мәмлекетлик хызметлерден пайдаланғанда оны көрсетиўдиң ҳәр қандай басқышында бас тартыў ҳуқуқына ийе. Бунда оның сораўнамасы қараўсыз қалдырылады. Бундай жағдайда төленген жыйым суммасы қайтарылмайды. Өзи келип мүрәжат еткенде Мәмлекетлик хызметлер орайы сораўнама толтырылғаннан баслап бир саат ўақыт ишинде, Бирден-бир мәмлекетлик хызметлер порталы арқалы мүрәжат етилгенде сораўнама автоматикалық тәризде Өзбекстан Республикасы Экология ҳәм қоршаған орталықты қорғаў мәмлекетлик комитети  ямаса Өзбекстан Республикасы Тоғай хожалығы мәмлекетлик комитетине жибериледи. Өзбекстан Республикасы Экология ҳәм қоршаған орталықты қорғаў мәмлекетлик комитети  менен Өзбекстан Республикасы Тоғай хожалығы мәмлекетлик комитети сораўнама түскен күннен баслап бес жумыс күни ишинде Мәмлекетлик хызметлер орайы ямаса арза бериўшиге Бирден-бир мәмлекетлик хызметлер порталы арқалы рухсатнама бериў ушын төлеўди әмелге асырыўға электрон тәризде есапбети-фактураны жибереди ямаса оны жибериўден бас тартады. Өзи келип мүрәжат еткенде Мәмлекетлик хызметлер орайы есапбети-фактура түскеннен кейин бир саат ишинде өзиниң мөрин басып, арза бериўшиге береди.

Мәмлекетлик хызметлер орайы, Өзбекстан Республикасы Экология ҳәм қоршаған орталықты қорғаў мәмлекетлик комитети  ҳәм  Өзбекстан Республикасы Тоғай хожалығы мәмлекетлик комитети өзиниң жумысын әмелге асырыў даўамында алынған арза бериўшилер ҳаққындағы мағлыўматларды сыр сақланыўын тәмийинлейди.  Сонын менен бирге, усы талаплардың орынланыўы үстинен мониторинг алып барады. Қарарда  көрсетилген талаплардың бузылыўына жол қойған шахслар нызам ҳүжжетлеринде белгиленген тәртипте жуўап береди.


Дилбар Бекбулиева

Нөкис қаласы Мәмлекетлик хызметлер орайы қәнигеси

скачать dle 10.6фильмы бесплатно



  • 10-07-2019, 21:26 |
  • 162