Сырт ел инвесторлары менен ислесиўди жәнеде жетилистириў ҳаққында

Сырт ел инвесторлары менен ислесиўди жәнеде жетилистириў ҳәм оларға көрсетилетуғын хызметлер сапасын жақсылаў мақсетинде Министрлер Кабинетиниң 547-санлы қарары тастыйықланды, қарарға тийкар:

1.Өзбекстан Республикасы Инвестициялар ҳәм сыртқы саўда министрлиги, Сыртқы ислер министрлиги, Әдиллик министрлиги ҳәм Туризмди раўажландырыў мәмлекетлик комитетиниң Өзбекстан Республикасы Инвестициялар ҳәм сыртқы саўда министрлиги жанында  Сырт ел инвесторларына көмеклесиў топарын эксперимент тийкарында шөлкемлестириў ҳаққындағы усынысқа разылық берилиўи көрсетилген.

  1. Төмендегилер Сырт ел инвесторларына көмеклесиў топарының тийкарғы ўазыйпалары етип белгиленди;

-сырт ел инвесторларына Өзбекстан Республикасында әмелге асырылып атырған социал-экономикалық реформалар, республика экономикалық сиясатының тийкарғы жөнелислери ҳәм үстинликлери, инвестиция орталығы ҳәм сыртқы саўда режими, қабыл етилип атырған  нызамшылық ҳужжетлериниң мазмуны ҳәм әҳмийетин туўры жеткериў мақсетинде сырт ел инвесторлары арасында белсенди мәлимлеме-түсиндириў жумысларын алып барыў;

-сырт ел инвесторларын мәмлекетте бизнес жүргизиў шәртлери ҳаққында хабардар етиў, сырт ел ҳәм қоспа карханалар жаратыў ҳәм олардың искерлик хызметин шөлкемлестириў;

-сырт ел инвесторларын Өзбекстан Республикасында орналасыў, қағыйдалары ҳаққында хабардар етиў, мәмлекет ҳәм хожалық басқарыў органлары, жергиликли атқарыўшы ҳәкимият органлары менен өз-ара мүнәсибет мәселелери бойынша оларға мәслаҳатлер бериў;

-Өзбекстан Республикасы Бас министриниң исбилерменлердиң мүрәжаатлерын көрип шығыў қабыллаўханалары, мәмлекет ҳәм хожалық басқарыў органлары, жергиликли атқарыўшы ҳәкимият органлары ҳәм мәмлекеттиң басқа шөлкемлери менен  нәтийжели өз-ара шериклик орнатыў;

-ҳуқықый мәселелер бойынша керекли жәрдем алыўда сырт ел инвесторларына көмеклесиў, ҳуқық қорғаў ҳәм суд органлары менен өз-ара шериклик орнатыў;

-сырт ел инвесторларының протокол-шолкемлестирилиўин  тәмийинлеў ис-иләжларын көриў, олардың Өзбекстан Республикасында орналасыўы, дәстүрлерин ислеп шығыўда, келисилген дәстүрине муўапық тәдбирлерде қатнасыў;

Инвестициялар ҳәм сыртқы саўда министрлигинен Өзбекстан Республикасына келип атырған сырт ел инвесторларының дизимин турақлы тийкарда алыў, сондай-ақ, олардың өз ўақтында қабыл етилиўи ҳәм анализлеп барылыўын тәмийинлеу;

-сырт ел инвесторларының бирден-бир мағлыўматлар базасын қәлиплестириў ҳәм турақлы рәўиште жаңалап барыў, олардың есабатын жүргизиў, Өзбекстанлы шериклер менен өзара шерикликти бақлаў ҳәм мониторинг алып барыў, есабатлар дүзилиўи ҳәм усынылыўын тәмийинлеў;

-сырт ел инвесторлары менен турақлы байланысты тәмийинлеў, олар арасында көрсетилип атырған хызметлер сапасын ҳәм сырт ел инвесторлары тәрепинен Өзбекстан Республикасының инвестицион көриниси дәрежесиниң түсиндирилиўи бойынша сораўлар өткериў, мәмлекетте инвестиция шәраятын жәнеде жетилистириў бойынша усыныслар ислеп шығыў жолға қойылған.

Сондай-ақ сырт ел инвесторларына көмеклесиў топары сырт ел инвесторларынан түскен мүрәжатларды кешиктирилместен “business.gov.uz” мәлимлеме дәстүрине киритилиўин тәмийинлейди, Өзбекстан Республикасы Бас министриниң қабыллаўханалары хызметин шөлкемлестириў ҳәм муўапықластырыў секретарияты болса үйрениў тийкарында оларды көрип шығыў ҳәм тийисли ис-илажлар көриў ушын республика көлеминдеги ўәкилликли органға яки Қарақалпақстан Республикасы, ўәлаятлар ҳәм Ташкент қаласындағы исбилерменлердиң мүрәжатларын көрип шығыў қабыллаўханаларына жибереди;

  Қарақалпақстан Республикасы, ўәлаятлар ҳәм Ташкент қаласындағы сондай-ақ, район ҳәм қалалардағы исбилерменлердиң мүрәжатларын көрип шығыў қабыллаўханалары зәрүрлик болғанда ҳәкимликлер ҳәм Саўда-санаат палатасының исбилерменликке көмеклесиў орайлары, инвестициялар ҳәм саўда, әдиллик, салық инспекциясы, қурылыс, мәмлекет кадастр органлары, банк ҳәм басқа шөлкемлердиң аймақлық органлары ўәкиллери қатнасыўында сырт ел инвесторларын қабыл етеди ҳәм олардың мәселелерине белгиленген тәртипте шешим қабыл етеди.

 

Ж.Тулегенова,

Кегейли районы Мәмлекетлик хызметлер орайы бас қәнигеси

скачать dle 10.6фильмы бесплатно



  • 10-07-2019, 15:58 |
  • 258