Жыл басынан халыққа 12 мыңнан аслам мәмлекетлик хызметлер көрсетилди - Қанлыкөл районы Мәмлекетлик хызметлер орайы

Елимизде мәмлекетлик хызметлерди көрсетиў системасы избе-излик пенен раўажланып бармақта. Бул болса өз гезегинде халықтың турмыслық сапасын жақсылаў ҳәм бизнести раўажландырыў имканыятын береди.

2019 жыл 1-январь сәнесинен баслап, усы күнге шекем өткен 6 ай ишинде Қанлыкөл районы Мәмлекетлик хызметлер орайы тәрепинен халыққа жәми 12 мыңнан аслам мәмлекетлик хызметлер көрсетилди. Яғный, коммуникация тармақларына жалғаныў ушын 718, алкоголли өнимлер менен усақлап сатыўға рухсатнама алыўға 7, улыўма ауқатланыў кәрханалары тәрепинен алкоголли өнимлерди сатыўға рухсатнама алыўда 6, объектти қайта қәнийгелестириў ҳәм реконструкция кылыўға 68, турақ жайды натурақ жай тайпасына өткериўге 3, кадастрлык хызметлер бойынша 61, электрон санлы қол таңбасы гилтлерин дизимге алыўға 2359, архитектура-режелестириў тапсырмасын ислеп шығыўға 49, қурылысы тамамланған имаратты пайдаланыўға қабыл қылыўға 220, балаларды мекетепке шекемги билимлендириў мекемелерине орналастырыўға 896, пухараны жыйналып барылатуғын пенсия жамғармасына есапқа қойыўға 528, мәмлекетлик билимлендириў хызметлери көрсетиў тараўында хызметин лицензиялаўға 2,  судланғанлык ямаса судланбағанлык хаққында мағлыўматнама алыўға 128, ПҲАЖ уйымлары тәрепинен архив ҳүжжетлерин бериўге 202, физикалық шахсларға СТИР бериў 5866, өз басымшалық пенен салынған жайларды меншиклестириў бойынша 540 арзалар қабылланған болса, мәмлекетлик дизимнен 216, қайта дизимнен 73 исбилерменлик субъектлери өткерилди.

Сондай-ақ, мәмлекетлик хызметлер орайлары хызметин халыққа түсиндириў, халықтың бул хызметлерден пайдаланыўдың абзаллықлары, олардың орайға мүрәжәт етиў мәдениятын пайда етиў мақсетинде алыс аймақлар халқы менен ушырасыў ҳәм семинарлар өткерилди. Ɵткерилген көшпели ушырасыўлар ҳәм хызметлер барысында 450 ден аслам мәмлекетлик хызметлер көрсетилген болса, 34 исбилерменлик субъекти мәмлекетлик дизимнен өткерилди.

Қанлыкөл районы Мәмлекетлик хызметлер орайы тәрепинен Ɵзбекстан Республикасы Министрлер Кабинетиниң 2019-жыл 7-июньда қабыл етилген 468-санлы қарары бойынша усы күнге шекем жәми 100 ден  аслам абитуриент оқыўға кириў ушын дизимнен өткерилди.

 

Д.Куденов,

Қанлыкөл районы Мәмлекетлик хызметлер орайы директоры                

 

скачать dle 10.6фильмы бесплатно



  • 9-07-2019, 20:48 |
  • 183