Қарақалпақстан Республикасы Экономика ҳәм санаат министри тайынланды

 

Қарақалпақстан Республикасы Экономика ҳәм санаат министри тайынланды

 

Makan.uzʹға исенимли деректиң берген мағлыўматына қарағанда, усы жылдың 20-июнь күни Қарақалпақстан Республикасы Жоқарғы Кеңес Президиумының 529-санлы қарары менен Қарақалпақстан Республикасы Экономика ҳәм санаат министри лаўазымына Маткаримов Илҳом Исмаилович тайынланды.

И.Маткаримов искерлиги даўамында Беруний районы ҳәкиминиң биринши орынбасары болған. Сондай-ақ, Өзбекстан Республикасы Бас прокуратурасының Қарақалпақстан Республикасы Мойнақ районын раўажландырыўға байланыслы нызамшылық орынланыўы үстинен қадағалаў басқармасы прокуроры болып ислеген. 

Усы күнге шекем Өзбекстан Республикасы Экономика ҳәм санаат министрлиги басқарма баслығының орынбасары лаўазымында ислеп келди.

 

И.Маткаримов 1984-жылы Әмиўдәрья районында туўылған. 2010-жылы Қарақалпақ мәмлекетлик университетин тамамлаған. 2011-жылы Салық академиясын питкерген. Өзбекстан Республикасы Президенти жанындағы Мәмлекет басқарыўы академиясын питкерген (магистратура). Қәнигелиги математика ҳәм информатика; салықлар ҳәм салыққа тартыў.

скачать dle 10.6фильмы бесплатно



  • 21-06-2019, 10:18 |
  • 2 040