Тараў нуранийлери жас бажыханашылар менен ушырасты

 

Тараў нуранийлери жас бажыханашылар менен ушырасты

 

Қарақалпақстан Республикасы бажыхана басқармасында бир топар бажыхана нураныйлары ҳәмде жас бажыханашылар менен ушырасыў өткерилди.

Илажда Өзбекстан бажыхана хызмети Нураныйлар бирлеспесиниң баслығы Деҳқонбой Кудриддинов қатнасты.

Ғәрезсизликтиң дәслепки жылларында бажыхана уйымларының шөлкемлестирилиўи менен, мәмлекетимизде экономикалық турақлылықты жеделлестириў, исбилерменликти және де раўажландырыў, республикамыздың экономикалық мәплерин ҳәмде қәўипсизлигин тәмийнлеў ең баслы ўазыйпалардан бири болған еди.

Сол дәўирде қыс мәўсиминиң қәҳәрли суўығында, жаздың жазийрама ыссысында халықтың пәраўанлығы, елимиздиң гүллеп-раўажланыўы жолында бажыхана хызметкерлери де басқа ҳуқуқ қорғаў уйымлары менен бир қатарда хызмет етти.

Тараў нуранийлери жас бажыханашылар менен ушырасты

 

Атап айтқанда товар, материаллық байлықлардың мәмлекетимизге нызамсыз алып келиниўиниң алдын алыў, контрабандаға қарсы гүресиўдей үлкен ўазыйпалар бажыхана уйымлары тәрепинен әмелге асырылды.

Тараўда жыллар даўамында хызмет етип, ҳәзирде ҳүрметли дем алыста болған халық сүйер кәсип ийелери бүгин көпшиликти қурайды.

Тараў нуранийлери жас бажыханашылар менен ушырасты

 

Бажыхана хызметиниң түрли жөнелислеринде, сондай-ақ, басшы лаўазымларда хызмет еткен Д.Кудриддинов жеке қурам менен ушрасар екен, бул тараўдың раўажланыў басқышларына айрықша тоқтап өтти.

Басып өтилген машақатлы мийнет жолы, хызметкерлердиң аўыр шараятларда алып барған жумыслары, бүгинги күнде Президентимиз тәрепинен тараўды және де раўажландырыў бойынша әмелге асырылып атырған реформалар, бажыхана хызметкерлериниң социаллық тәмийнатына қаратылып атырған итибар ҳәм ғамхорлықлар, жаратылып атырған қолайлықлар, жаңадан қурылып атырған хызмет үйлери, елимиз раўажланыўы жолында хызмет етемен деген жаслар ушын барлық имканиятлар жаратылғанлығын түсиндирип, усы имканиятлардан туўры пайдаланыўы, жаслардың кәсипке меҳир қойыўы, өзлерине бекитилган ўазыйпаларды орынлап, халыққа ҳадал хизмет етиўи, өз үстинде ислеп жоқары дәрежелерге көтерилиўи бойынша жол-жобалар берди.

Илажда басқарма баслығы Х.Файзуллаев қатнасыўшы бажыхана нураныйларына жас бажыханашыларға берген мәслаҳәтлери, көрсетпелери ушын миннетдаршылық билдирди.

Нураныйлардың бай турмыслық тәжрийбеси жас бажыханашыларды ўатан сүйиўшилик руўхында тәрбиялаўда үлкен әҳмийетке ийе.

 

Қарақалпақстан Республикасы Бажыхана басқармасы мәлимлеме хызмети

скачать dle 10.6фильмы бесплатно



  • 20-06-2019, 22:07 |
  • 228