Бажыхана хызметкерлерине АИЖС, алкоголизм ҳәм наркомания сыяқлы иллетлердиң социаллық ақыбетлери түсиндирилди

Президентимиз Ш.Мирзиёевтың Өзбекстан Республикасы Конститутциясының 26 жыллығына арналып 2018-йил 7-декабрде өткерилген салтанатлы мәресимдеги баянатынан келип шығып белгиленген ўазыйпаларды ҳәм Мәмлекетлик бажыхана комитетиниӊ 2018-жыл 22-декабрдеги Жол картасында белгилеп көрсетилген тапсырмалардың орынланыўын тәмийнлеў мақсетинде усы жылдың 12-июнь күни Қарақалпақстан Республикасы мәмлекетлик бажыхана басқармасында Ден саўлықты сақлаў Министрлиги қәнигелери қатнасыўында басқарма жеке қурамы ортасында “Алкоголизм, наркомания АИЖС пенен зыянланыў ақыбетинде келип шығыўы мүмкин болған унамсыз жағдайлар” атамасында илаж өткерилди.  

Бажыхана хызметкерлерине АИЖС, алкоголизм ҳәм наркомания сыяқлы иллетлердиң социаллық ақыбетлери түсиндирилди

 

Илажда Қарақалпақстан Республикасы АИЖСға қарсы гүресиў орайы шыпакер-мәсләҳәтшилери З.Асанова ҳәмде Г.Абилдаевалар сөзге шығып, АИЖС кеселлиги, оның келип шығыў себеплери, кеселликтиң жуғыў жоллары, оның белгилери ҳәм раўажланыў басқышлары, бүгинги күнде республикамызда усы кеселликтен зыян көрген пуқаралардың аянышлы тағдирлери, АИЖС пенен кеселленген инсанлардың социаллық қәўиплилик дәрежеси ҳәмде олардың жәмийетимиз раўажланыўына унамсыз тәсири ҳаққында илаж қатнасыўшыларына толық мағлыўматлар берди.

Бажыхана хызметкерлерине АИЖС, алкоголизм ҳәм наркомания сыяқлы иллетлердиң социаллық ақыбетлери түсиндирилди

 

Бүгинги күнде Қарақалпақстан Республикасында 600 ге шамалас инсанлар АИЖС кеселлигине шалынған болып, соннан дерлик 80 процент пуқаралар шет еллерге ислеў мақсетинде кетип усы кеселлике дуўшар болған.

Қәнигелер бажыхана хызметкерлерине АИЖС кеселлигиниң унамсыз ақыбетлери ҳаққында түсиндириў менен бирге, алды менен жумыс процессинде ҳәмде күнделикли турмыста барлық ўақытта тазалық ҳәм санитария қағыйдаларына әмел етиўлерин айтып, оларды сергекликке шақырды.

Бажыхана хызметкерлерине АИЖС, алкоголизм ҳәм наркомания сыяқлы иллетлердиң социаллық ақыбетлери түсиндирилди

 

Сондай-ақ, илажда Қарақалпақстан Республикасы Ишки ислер Министрлиги Жол ҳәрекети қәўипсизлиги басқармасы қәнигеси С.Қәллибеков та қатнасып, бажыхана уйымлары хызметкерлериниң өзлериниң жеке меншик автотранспортларын басқарыў ўақтында жол ҳәрекети қәўипсизлиги қағыйдаларына әмел етиўи, хызметкерлердиң спиртли ишимликлер ишкен ҳалда автотранспортларды басқарыў жағдайларының алдын алыў бойынша түсиниклер берип, жол ҳәрекети қағыйдаларына енгизилген Нызамшылықтағы соңғы өзгерислер ҳаққында тоқталып өтти.

Қарақалпақстан Республикасы бажыхана басқармасы орынбасары Н.Османов қәнигелерге шөлкемлестирилген илажда қатнасып, бажыхана уйымы хызметкерлерине жеткерген мағлыўматлары ушын миннетдаршылық билдирип, бундай әҳмийетли мазмундағы ушырасыўларды тез-тез шөлкемлестириў ҳәмде көплеген илажларды биркеликте өткерип барыў бойынша усыныс билдирди.

  

Қарақалпақстан Республикасы

Бажыхана басқармасы

Мәлимлеме хызмети

скачать dle 10.6фильмы бесплатно



  • 14-06-2019, 16:42 |
  • 244