Пуқара жайының фундаменти мәкемениң жаңа дийўалының астында қалажақ

«Бурын гөне дийўал бар еди, енди тазасын қурып баслап атыр», - деп басланады makan.uz’ға мүрәжат еткен пуқара М.Мамбеткариваның шағымы.

Бул айтылып атырған дийўал Нөкис қаласы, М.Жуманазаров көшеси 65-жайда жайласқан Республикалық оба, карантин ҳәм қәўипли жуқпалы кеселликлер профилактика орайының Қарақалпақстан филиалының дийўалы. Мәкеме гөне 2 метрлик дийўалын бузып салыўға қарар еткен. Тазадан салынажақ дийўалдың бийиклиги 2,5 метрди қурайды екен.

Пуқара жайының фундаменти мәкемениң жаңа дийўалының астында қалажақ

 

«Бизлер үйимизди 2000-2005-жыллар аралығында сол мәкемениң дийўалына жүдә жақын етип салып алған едик, бирақ үйимиздиң арқа тәрепиндеги айналарымызды биймәлел ашып-жаўа алатуғын едик. Жайымызды режесиз (плансыз) түрде салдық, бирақ ҳәзирги ўақытта Президентимиздиң жәриялаған акциясынан пайдаланып, кадастр ҳүжжетлерин рәсмийлестирип алдық. Ҳүжжетлеримиз пүтин.  

Мәкемениң бурынғы дийўалы менен үйдиң арасында шама менен 80-90 см аралық бар еди. Үйимиздиң фундаменти толық жер бетинде көринип тур еди. Ҳәзир ол аралықты да қысқартып атыр және дийўалдың тырнағының өзи бизиң фундаментимизди жаўып таслады. Жаўын жаўса суў жерге емес бизиң үйимиздиң дийўалына сиңеди. Бул үйимиздиң тез тозыўына алып келеди. Оның үстине айналарымызды жаўып таслайжақ», деп пуқара мәкемениң баслығы менен болған сәўбетти келтирип өткен. Сәўбетте бир шешимге келип бул мәселени шешиў соралған. Бирақ бул имкансыздай етип айтылған.

Пуқара жайының фундаменти мәкемениң жаңа дийўалының астында қалажақ

Биз бул мәселеге тийисли шөлкемлер итибар берип, орын алып атырған түсиниксиз жағдайға анықлық киргизеди деген үмиттемиз.

скачать dle 10.6фильмы бесплатно



  • 13-06-2019, 22:36 |
  • 1 850