Қазақстан менен шегарадағы еки өткериў пункти 15 майда ашылады

Қазақстан менен шегарадағы еки өткериў пункти 15 майда ашылады

Өзбекистан-Қазақстан мәмлекет шегаралары «Ақ алтын» ҳәм «Малик» автомобиль өткериў пунктлери 15-майдан өз жумысын баслаўы керек. Бул Өзбекистан Президентиниң 26-апрельдеги қарарында нәзерде тутылған, деп хабар бермекте «Газета.uz».

М-39 трассасында жайласқан бул өткериў пунктлери Ташкент ҳәм Самарқанд ортасындағы қысқа жолды тутастырады ҳәм тек ғана жеңил автомобиллер өтиўи ушын хызмет етеди. Жүклер ҳәм коммерциялық мақсетлердеги товарлардың алып өтилиўи қадаған етиледи.

Транзит емес мақсетлерде Қазақстанға өтиўши Өзбекистан пуқаралары ҳәм Қазақстан пуқараларына шегара бақлаўы нызамшылықта белгиленген ҳәм Өзбекистан тастыйықлаған халық аралық шәртнамалар тийкарында әмелге асырылады.

Қубла Қазақстан ўәлаятының Мақтаарал районы аймағы арқалы тоқтаўларсыз өтиўши Өзбекистан пуқаралары әпиўайыластырылған тәртипте – шегара белгиси қойылмастан өткериледи. Бунда шахсты тастыйықлаўшы, мәмлекет шегарасын кесип өтиў ҳуқықын бериўши ҳүжжетлер мәжбүрий түрде тексериўден өткериледи.

Еки өткериў пунктинде бажыхана бақлаўы да әпиўайыластырылған тәртипте әмелге асырылады. Бунда бажыхана декларациясы толтырылмайды, транспорт қуралларын дизимге алыў ҳәм бажыхана тексериўинен өткериў талап етилмейди, бирақ мәжбүрий тәртипте визуал көриў әмелге асыралады.
Шегараны кесип өтиўши пуқара бажыхана нызамшылығы талапларына әмел етиў мәжбүриятынан азат етилмейди.
Мақтаарал районы арқалы өтиўши М-39 автомобиль жолы 2006-жылы жабылған еди.

Фото: Яндекс. Карталар.
скачать dle 10.6фильмы бесплатно



  • 1-05-2017, 09:58 |
  • 358