Видео: Қытайда жолаўшы 5-қабаттан түсип кеткен 2 жаслы баланы услап қалды

Бул ҳаққында Inside Edition xaбар берди, деп жазады daryo.uz.

Мәлим болыўынша, 2 жаслы бала қадағалаўсыз қалып қойған ҳәм 5-қабатта жайласқан айнаға шыққан. Гүўалардың айтыўына қарағанда, көшедеги жолаўшылар буны көрип қалған, бирақ еркек олар жәрдемге келгенше баланы қутқарып қалған.

Баланы 28 жаслы Тоник Турганбек (Tonik Turghanbek) қутқарып қалған. Бала жолаўшы үстине түсип, оны қулатқан.

«Баланы көргенимде ол жерге түсип атыр еди, мен ҳеш нәрсени ойламадым, бир демде оны услап алдым. Оннан кейин не болғанын билмеймен, себеби мәлим ўақыт ессиз жаттым. Көзимди ашқанымда әтирапымда полиция ҳәм қутқарыўшылар бар еди», - деген Турганбек.

Бала да оны қутқарып қалған Турганбек те емлеўханаға жеткерилген. Бала қәўипли жарақатланбаған. Турганбектиң болса басы ҳәм қоллары тилинген.

 

Аўдарма: makan.uz

скачать dle 10.6фильмы бесплатно



  • 28-05-2019, 16:21 |
  • 1 180