Мәҳәллелердеги бирлеспеген жасларға “Хызмет – бийминнет” қосымша бийпул тәлим бериў оқыў курслары шөлкемлестириледи

Мәҳәллелердеги бирлеспеген жасларға “Хызмет – бийминнет” қосымша бийпул тәлим бериў оқыў курслары шөлкемлестириледи

2017-жыл 28-апрель күни Бердақ атындағы Қарақалпақ мәмлекетлик университети руўхыйлық залында Өзбекистан «Миллий тикланиш» демократиялық партиясы Орайлық Кеңеси тәрепинен Өзбекистан Республикасы Жоқары ҳәм орта арнаўлы билимлендириў министрлиги, Өзбекистан Республикасы Халық билимлендириў министрлиги, Өзбекистан «Мәҳәлле» қайырқомлық жәмийетшилик фонды Республика басқармасы, Өзбекистан нураныйларының социаллық искерлигин қоллап-қуўатлаў «Нураный» қоры Республика басқармасы менен биргеликте «Хызмет – бийминнет» оқыў курсларын шөлкемлестириўге бағышланған Республика бойынша видеоконференция шөлкемлестирилди.

Видеоконференцияда Республикамыздағы барлық жоқары оқыў орынларынан профессор оқытыўшылар, жоқарыда көрсетип өтилген министлик ҳәм шөлкемлерден тийисли қәнигелер, ӨзМТДП Қарақалпақстан Республикасы Кеңеси Атқарыў Комитети аппараты хызметкерлери ҳәм де ғалаба хабар қураллары ўәкиллери қатнасты.

Усы жылдың 11-апрель сәнесинде Өзбекистан «Миллий тикланиш» демократиялық партиясы Орайлық Кеңеси, Өзбекистан Республикасы Жоқары ҳәм орта арнаўлы билимлендириў министрлиги, Өзбекистан Республикасы Халық билимлендириў министрлиги, Өзбекистан «Мәҳәлле» қайырқомлық жәмийетшилик фонды Республика басқармасы, Өзбекистан нураныйларының социаллық искерлигин қоллап-қуўатлаў «Нураный» қоры Республика басқармасы менен биргеликте Өзбекистан Республикасының “Социаллық шериклик ҳаққында”ғы ҳәм “Жасларға тийисли мәмлекетлик сиясат ҳаққында”ғы нызамлары орынланыўын тәмийинлеў, сондай-ақ өз Устав ҳәм Нызамларында белгиленген ўазыйпаларды орынлаў бойынша өз-ара социаллық бирге ислесиў мақсетинде Меморандум дүзилди. Соннан келип шыққан ҳалда жоқарыда аты аталған шөлкемлер менен биргеликте мәҳәллелерде бирлеспеген жаслардың социаллық жақтан қәлиплесиўи, интеллектуал, дөретиўшилик, физикалық, моральлық ҳәм басқа да имканиятларының раўажланыўына көмеклесиў ҳәм шараят жаратыў, саламат турмыс тәризине умтылыўын қәлиплестириў, бос ўақытларын мазмунлы өткериў, оларды әдеп-икрамлылық тийкарларын бузыўға алып келетуғын ис-ҳәрекетлер ҳәм идеялардан қорғаўға мүнәсип үлес қосыў мақсетинде бирге ислесиў тийкарында “Хызмет – бийминнет” қосымша бийпул тәлим бериў оқыў курслары шөлкемлестириледи.

Видеоконференция қызғын пикир алысыў ҳәм сораў-жуўаплар тәризинде болып өтти. Қатнасыўшылар өзлерин қызықтырған сораўларға жуўаплар алды.

Мырзахмет Тажимуратов
ӨзМТДП Қарақалпақстан Республикасы
Кеңеси жетекши қәнигеси
скачать dle 10.6фильмы бесплатно



  • 28-04-2017, 16:46 |
  • 292