Саида Мирзиёева Мәмлекет органлары баспасөз хызметлери искерлигин сынға алды

 

Саида Мирзиёева Мәмлекет органлары баспасөз хызметлери искерлигин сынға алды

Өзбекстан Республикасы Президенти Администрациясы жанындағы Мәлимлеме ҳәм ғалаба коммуникациялар агентлиги директорының орынбасары Саида Мирзиёева Facebook’та мәмлекет органлары баспасөз хызметине байланыслы пост қойды.

«Ассалаўма алейкум.

Бул постта әҳмийетли тема – мәмлекет органлары баспасөз хызметлери исккерлигине байланыслы пикирлерим менен бөлисежақпан. Бул тема журналистлер тәрепинен тез-тез көтерилмекте ҳәм мәлимлеме тараўы ушын әҳмийетке ийе.

Қәнигелердиң бул бағдардағы пикирлери ҳәм шет ел әмелиятын үйренип, мәмлекетимиз министрлик ҳәм мәкемелери баспасөз хызметлериниң искерлиги, өкинишли, пассив дәрежеде қалып атырғанын атап өтиўге мәжбүрмиз.

Баспасөз хызметлериниң жумысы пассивлиги ҳәм көпшилик мәмлекет органлары басшыларының ҒХҚ менен байланысыў кереклигин аңлап жетпегени себепли мәмлекетимиз халқының реформалар барысы ҳаққында хабардарлығы төмен, оларды жетерли дәрежеде түсинбей атыр ҳәм Президент ҳәм ҳүкимет тәрепинен қабылланып атырған қарарлардың мәниси ҳәм мағлыўматларын толық аңламай атыр.

Мәмлекетимиз тәрепинен әмелге асырылып атырған кең көлемли жумыслар мәмлекет ишинде де, сыртында да жетерли дәрежеде жарытылмай, сезилмей қалмақта.

Нәтийжеде, бундай жағдай тексерилмеген информация, тийкарсыз мыш-мыш ҳәм гәплердиң пайда болыўына алып келмекте, олар кең тарқалып, баспасөз хызметлери тәрепинен итибарсыз қалдырылған бир ўақытта халық ортасында түсинбеўшилик ҳәм наразылық келтирип шығарыўы мүмкин.

Жағдай баспасөз хызметлери кадрлар потенциалы шекленгени, олардың материаллық-техникалық үскенелениўи ҳәм хызметшилери тәжирийбесиниң төменлиги менен еле де кескинлеспекте. Көрип турғаныңыздай, алдымызда турған машқала үлкен. Ойлайман, бул әмелдеги ҳүжжетлерге қосымша түрде комплексли норматив-ҳуқықый ҳүжжет ислеп шығыў ҳәм қабыллаўды көрсетеди.

Атап айтқанда, баспасөз хызметлериниң мәмлекет органлары ҳәм жәмийет ортасындағы исенимли көпир сыпатында нәтийжели искерлигин тәмийинлеў, баспасөз хаткери абырайын көтериў, турақлы түрде тәжирийбе арттырыў курсларын шөлкемлестириў керек ҳәм тағы басқа.

Биз бул бағдарда жумысларды баслағанбыз. Атап айтқанда, тийисли усыныслар ислеп шығыў ҳәм норматив-ҳуқықый ҳүжжетти таярлаў бойынша арнаўлы топар дүзилген.

Бундай илажлардың қабылланыўы мәмлекетимиз информация тараўын раўажландырыў ушын шәраятлар жаратыўға, ең баслысы, мәмлекет ҳәм жәмийет ортасындағы байланыс тийкарларын салмақлы дәрежеде беккемлеўге хызмет етеди», - деп жазады Саида Мирзиёева.

 

Аўдарма: makan.uz

 

скачать dle 10.6фильмы бесплатно



  • 21-05-2019, 16:01 |
  • 743