Нөкисте мәмлекет байрақлары алдында иш кийимде ойнағанларға жаза тайынланды

"KRuz.uz" сайтының хабар бериўинше, Усы жылдың 9-май күни саат шамасы 21:30 әтирапында Нөкис қаласы орайындағы 55 метрли мәмлекет байрақлары орнатылған майданда 3 өспирим: 1998-жылы туўылған С.Б., 2000-жылы туўылған Н.У. ҳәм Ў.А. жәмәәт орынларында өзин тутыў қағыйдасын қасттан менсинбестен шешинген ҳалда видеоға түсип, оны социаллық тармақларға жайластырған.

Нөкисте мәмлекет байрақлары алдында иш кийимде ойнағанларға жаза тайынланды

 

Бул жағдай бойынша, 11-май күни суд процесси болып өтти. Шоманай районы ҳәкимшилик суды баслығы Кощанов Амир тәрепинен Ҳәкимшилик жуўапкершилик ҳаққындағы кодекстиң  ХV бабы 183-статьясын қопал түрде бузғаны ушын өспиримлердиң ҳәр бирине 15 суткаға шекемги мүддетте ҳәкимшилик қамақ жазасы тайынланды.

Нөкисте мәмлекет байрақлары алдында иш кийимде ойнағанларға жаза тайынланды

 

Нөкис қаласы ишки ислер органлары искерлигин муўапықластырыў басқармасы баслығы орынбасары Анвар Султанов Ибрагимович, - пурсаттан пайдаланып, пуқараларымыздың жәмәәт орынларында жүрис-турыс қағыйдаларына әмел етиўин сорап қалған.

 

Биз де пурсаттан пайдаланып, Ишки ислер хызметкерлеринен «Қәўипсиз қала» концепциясын, ал Миллий гвардия хызметкерлеринен болса хызмет ўазыйпасын еле де жақсырақ орынлаўын сорап қаламыз. Себеби, 9-май күни орын алған жағдай сол ўақыттың өзинде сапластырылмаған, буны биз видеоның социаллық тармақларға тарқалып кеткенинен, соң барып kruz.uz сайтынан шыққанынан билсек болады. Қудай сақлап, өспиримлер еле де тек ғана «ойнаған», қолларында болса, тек ғана телефон болған екен.

 

Текст: makan.uz

скачать dle 10.6фильмы бесплатно



  • 12-05-2019, 18:30 |
  • 2 529