2023-жылдан электр энергиясы ушын тарифлер кеминде 3 жыллық мүддетке әмел етеди

Ҳүкиметлик қарар тийкарында 2030-жылға шекемги болған дәўирде Өзбекстан Республикасы электр энергиясы тармағындағы тариф сиясатының тийкарғы бағдарлары тастыйықланды. Бул ҳаққында «Ҳуқуқий ахборот» каналы мәлим етти.

Ҳүжжет тийкарында тариф сиясатының тийкарғы бағдарлары белгиленди. Тутыныўшылардың электр энергиясынан тийкарланған ҳәм бәсекилик тарифлер бойынша пайдаланыўын тәмийинлеў усыларға киреди.

Тарифлерди белгилеўде халықтың кем тәмийинленген ҳәм қорғаўға мүтәж қатламлары социаллық жақтан қорғалады.

2023-жылға шекем тарифлерди қәлиплестириў методикасына басқышпа-басқыш өтиледи. 2023-жылдан баслап электр энергиясы ушын тарифлер кеминде 3 жыллық мүддетке әмел етеди.

Өз-ара мақул тарифлерди белгилеў арқалы тутыныўшылар ҳәм электр энергетика тармағы шөлкемлериниң мәплери теңсалмақлы жағдайға келтириледи.

Ҳүжжет тийкарында тарифлерди қәлиплестириў принциплери белгиленди. Атап айтқанда, тарифлерди қәлиплестириўде кемситпейтуғын қатнас енгизиледи, тарифлерди белгилеў тийкарланбаған сиясий тәсирге ушырамайды.

 

Ислам Матеков,

Қарақалпақстан хабар агентлигиниң шолыўшысы.

 

скачать dle 10.6фильмы бесплатно



  • 17-04-2019, 16:47 |
  • 489