Халыққа көшпели мәмлекетлик хызметлер көрсетилмекте

Мәмлекетлик хызметлер агентлиги Қарақалпақстан Республикасы басқармасы тәрепинен орынларда халық ҳәм исбилерменлик субъектлерине көшпели мәмлекетлик хызметлерин көрсетиў жолға қойылған болып, усы бағдарда бир қанша ис-илажлар алып барылмақта.

Халыққа көшпели мәмлекетлик хызметлер көрсетилмекте

 

Белгиленген режеге муўапық, 5-апрел күни мәмлекетимиздиң Беруний ҳәм Елликқала районлары аймағында халыққа көшпели мәмлекетлик хызметлер көрсетилди. Көшпели мәмлекетлик хызметлерди көрсетиўде Беруний районы Мәмлекетлик хызметлер орайы хызметкерлери тәрепинен мектепке шекемги билимлендириў мәкемелерине қабыл қылыў бойынша  14, СТИРди анықлаўда 147, пуқараны жамғарып барылатуғын пенсия тизимине есапқа қойыўда 62, жәми 253 түрдеги мәмлекетлик хызметлер көрсетилди. Сондай-ақ, 30 пуқараға өзбасымшалық пенен қурылған турақ жайға мүлк ҳуқықын белгилеў ҳаққында қарарлар тапсырылды.   

Усы күни халыққа көшпели мәмлекетлик хызметлерди көрсетиў Елликқала районында да даўам етти. Мәмлекетлик хызметлер агентлиги Қарақалпақстан Республикасы басқармасы ҳәм Елликқала районы Мәмлекетлик хызметлер орайы тәрепинен Сарабий МПЖ аймағында көшпели мәмлекетлик хызметлер көрсетилди. Онда халықтың мүрәжатлары тыңланып, олардың шешими бойынша сол жердиң өзинде тийисли иләжлар әмелге асырылды. Аймақта жасаўшы 36 пуқараға өзбасымшалық пенен қурылған турақ жайға мүлк ҳуқықын белгилеў ҳаққында қарарлар тапсырылды. Сондай-ақ пуқараларға жәми 306 түрдеги мәмлекетлик хызметлер көрсетилди.

    

Халыққа көшпели мәмлекетлик хызметлер көрсетилмекте

 

Нурлыбай Төрениязов

Мәмлекетлик хызметлер агентлиги ҚР басқармасы юрист консульт

 

скачать dle 10.6фильмы бесплатно



  • 9-04-2019, 18:35 |
  • 549