Нөкисте ерли-зайыплылардың бири басқыншы ҳүжиминен соң қайтыс болды

Бас Прокуратураның хабарына тийкарланып Sof.uz сайтының хабар бериўинше, усы жылдың 8-апрель күни Нөкис қаласы Тахтакөпир көшеси 66-жайда жасайтуғын пуқара үйинде жүрген бийтаныс адамның даўысын еситип, ол тәрепке барған ўақытта бийтаныс адам оны қастан өлтириў мақсетинде көкирек қуўыслығының оң тәрепине пышақ пенен бир мәрте урған.

Сондай-ақ, бийтаныс адам жәбирлениўши үйдегилерди жәрдемге шақырған ўақытта кирип келген өмирлик жолдасының көкирек қуўыслығының шеп тәрепине пышақ пенен бир мәрте урып, ўақыя орнынан қашып кеткен.

«А.Ш. алған жарақаты ақыбетинде ўақыя орнында қайтыс болған, Д.М. емлеўханаға жатқарылып, оператив түрде көрсетилген медициналық жәрдем нәтийжесинде оның өмири сақлап қалынған», – деп жазылған хабарда.

Бул жағдай бойынша Нөкис қалалық прокуратурасы тәрепинен Өзбекстан ЖКның 97-статьясы 2-бөлими «а» бәнти менен жынаят иси ашылған.

 

Ислам Матеков,

Қарақалпақстан хабар агентлигиниң шолыўшысы.

 

 

скачать dle 10.6фильмы бесплатно



  • 9-04-2019, 17:47 |
  • 3 856