Ҳүрметли пуқаралар асығың акция мүддетиниң питиўине аз ўақыт қалды

Өзбекстан Республикасы Президентиниң пуқараларды социаллық қоллап-қуўатлаў мақсетинде бир қатар Пәрман ҳәм қарарлары қабыл етилди.

Булардың бири, Өбекстан Республикасы Президентиниң 2018-жыл 20-апрель күнги «Пуқараларды социаллық қоллап-қуўатлаў бойынша қосымша ис-илажлар ҳәмде өз басымшалық пенен курылған турақ жайларға болған мүлк ҳуқықын тән алыў бойынша бир мәртелик улыўма мәмлекетлик акциясын өткериў ҳаққындағы»ғы ПФ-5421-санлы Пәрманы ҳәм усы Пәрман талапларының орынланыўын тәмийинлеў ҳаққындағы Өзбекстан Республикасы Министрлер Кабинетиниң 2018-жыл 21-июнь күнги 461-санлы қарары қабыл етилип, бул қарар бойыша пуқаралардың өз басымшалық пенен қурылған турақ жайларына болған мүлк ҳуқықын тән алыў бойынша бир мәртелик улыўма мәмлекетлик акциясы жәрияланды.

Бул Пәрман ҳәм қарардың орынланыўы бойынша Нөкис районы Ҳәкиминиң шешими қабыл етилип, өз басымшалық пенен қурылған көшпес мүлкке ийелик етиў ҳуқықын бериўши районлық комиссия шөлкемлестирилди.

Бүгинги күни Нөкис районы мәмлекетлик хызметлер орайына өз басымшалық пенен курылған имаратларына мүлк ҳуқықын тән алыў бойынша жәми 726 мүрәжаат келип түсип, соннан 326 мүрәжаат қанаатландырылып район ҳәкиминиң шешимлери қабыл етилген, 160 мүрәжаат комиссия тәрепинен үйренилип  шығылмақта, 187 мүрәжат комиссия тәрепинен қанаатландырылмастан қалдырылған 53 мүрәжаат бир мәртелик төлеми төлениўи күтилмекте.

Өз басымшалық пенен қурылған турақ жайларға болған мүлк ҳуқықын тән алыў бойынша, пуқараларымыз Мәмлекетлик хызметлер орайына район ҳәкими атына арза менен мурәжат етеди.

Арзаға қосымша, арза бериўшиниң паспорт нусқасы, шаңарақ ағзалары ҳаққында ҳәм жер участкасына ийелик қылған мүддетлери, имәрат қурылған ўақты туўрысында пуқаралардың өзин-өзи басқарыў органы мағлыўматнамасы талап етиледи.

Комиссия тийисли тәртипте келип түскен мүрәжатты улыўма 11 күн ишинде үйренип шығады ҳәм мүлк ҳуқықын тән алыў мүмкин деп табылған болса комиссия исши органы тийисли тәртипте дәлалатнама дүзип бир мәртелик жыйым пулын төлеў ушын электрон тәртипте есап фактурасын жибереди.

Бунда бир мәртелик жыйым төлем суммасы ең кем айлық ис ҳақының 5 есеси муғдарында болып белгиленген.

Мүрәжаат етиўши тәрепинен бир мәртелик жыйым төлеми төленгеннен кейин
2 календарь күни ишинде, өз басымшалық пенен қурылған турақ жайларға болған мүлк ҳуқықын тән алыў бойынша район ҳәкиминиң шешими жойбарын таярлайды ҳәм тастыйықлаў ушын район ҳәкимине усынады.

Район ҳәкиминиң комиссия исши органы тәрепинен таярланған шешим жойбары усынылған күннен баслап 2 жумыс күнинде  қабылланады.

Егер өзбасымшалық пенен қурылған имаратқа болған мүлк ҳуқықын бериў мүмкин емес деп табылғанда, комиссия исши органы кадастр тәрепинен, мүлк ҳуқықы берилмеў себеби көрсетилген хат таярлайды ҳәм акттың нусқасын қосып электрон система арқалы Мәмлекетлик хызметлер орайына жибереди.

Соныда еслетип өтиўмиз керек, қарарға тийкар 2018-жыл 20-апрельден соң өз басымшалық пенен қурылған имәратларға мүлк ҳуқуқы берилмейди ҳәмде акция мүддети 2019-жылдың 1-май күнине шекем даўам етеди.

Усы қарар талапларына муўапық, комиссия тәрепинен өз басымшалық пенен курылған турақ жайларға болған мүлк ҳуқықын тән алыў мүмкин емес деп табылған  район (қала) ҳәкимликлери комиссия дәлалатнамасы тийкарында нызам талапларына тийкар турақ жай қурыў ушын ажыратылыўы мүмкин болмаған жер майданларда жайласқан ҳәм өз басымшалық пенен курылған имәратты сапластырыў (бузып таслаў) ҳақкында  даўа арзасын нызам ҳүжжетлеринде белгиленген тәртипте ҳәм муддетлерде судқа киритеди.

Сонлықтан пуқараларымыздан ўақыттан үнемли пайдаланып, акция мүддетинен бурын усы жылдың 1-май күнине шекем өз басымшалық пенен қурылған турақ жайларға болған мүлк ҳуқықын тән алыў бойынша тийисли тәртипте Мәмлекетлик хызметлер орайына келип хабарласыўын сораймыз.

 

Б.Ауезов

Нөкис районы мәмлекетлик

хызметлер орайы директоры

скачать dle 10.6фильмы бесплатно



  • 18-03-2019, 15:43 |
  • 1 140