Мәмлекет хызметлерин көрсетиў миллий системасын жәнеде комплекс раўажландырыў ис-илажлары ҳаққында

 

Мәмлекетлик хызметлер көрсетиў тараўында халқымызға буннан былайда ҳәр тәреплеме қолайлық жаратыў ҳәмде олардың бизнес жүритиўинде артықша бюрократик тосықларды түптен қысқартыў ҳәм мәмлекетлик хызметлерин көрсетиў миллий системасын жәнеде раўажланырыў мақсетинде Өзбекстан Республикасы Президентиниң 2019-жыл 15-февраль күнги «Мәмлекетлик хызметлер көрсетиўдиң миллий системасын комплекс раўажландырыў ис-иләжлары ҳаққында»ғы ПҚ-4193-санлы қарары тастыйықланды.

 Қарарда тийкарынан, бизнес жүритиўде артықша бюрократик тосықларды түптен қысқартыў ҳәм мәмлекетлик хызметлерин көрсетиў миллий системасын жәнеде раўажланырыў мақсетинде 2019-жыл 1-июннан баслап физикалық ҳәм юридикалық шахслар өзлери қәлеген мәмлекетлик хызметлери орайларында пуқаралар жасаў орны (прописка) дизимнен өткен орнынан ҳәм юридикалық шахслар почта мәнзилине (жайласқан жерине) қарамастан мәмлекетлик хызметлерин экстерриториал принцип бойынша алыўға ҳақылы;

-мәмлекетлик хызметлерин алыў ушын Өзбекстан Республикасы интериактив мәмлекетлик хызметлери порталы (интернет тармағы) арқалы мүражаат еткенде, мәмлекетлик бажы, жыйымлар ҳәм басқа төлемлер орайлар арқалы яки басқада хызмет көрсетиўши органларға мүрәжат еткенде төленетуғын суммадан 90 пайыз муғдарында төленеди;

Сондай-ақ, исбилерменлик ҳәрекети тараўындағы рухсат бериў тәртип қағыйдаларының
2019-жыл 1-апрельден баслап бийкар етилетуғын айырым түрлер дизими төмендегилерден ибарат болып, яғный;

  1. Экспорт контракти дизимнен өткерилгенлиги ҳаққындағы гүўалық,
  2. Мал сойыўды әмелге асырыў ҳуқықын бериўши рухсат гүўалық,
  3. Жер асты участкасынан пайдаланыўда бузылған жерлер қайта тикленгенлиги ҳаққында жуўмақ,
  4. Жас өспиримлерге мөлшерленген дәри өнимлерин реклама қылыўға рухсатнама,
  5. Қымбат баҳалы металлар ҳәм қымбат баҳалы таслардан жасалған буйымлар менен усақлап саўда қылатуғын исбилерменлик субъектлериниң саўда объектлери жайласыўы,
  6. Жерлердиң бәрше түрлеринде геологиялық-сүўретке алыў, излеў, геодизия ҳәм басқа түрдеги излеў ислерин алып барыўға рухсатнама.

Қарар менен қосымша мәмлекетлик хызметлерин көрсетиў тәртибин белгилеўши нормалары бар болған норматив-ҳуқықый ҳүжжетлерин жоқары юридикалық күшке ийе норматив-ҳуқықый ҳүжжетлерди беккемленген ҳалда жәми 65 түрдеги норматив ҳуқықый ҳүжжетлерди қайта көрип шығыў графиги көрсетилген.

Қарадың 3-қосымшасына муўапық мәмлекетлик хызметлерин оптималластырыў, мәмлекетлик хызметлерин көрсетилиўи ушын зәрүр болған мағлыуматлардың электрон мағлыўматлар базаларын жайластырыў ҳәмде мәлимлеме системалары ҳәм мағлыўматлар базаларын «Электрон ҳукумат» системасына интеграция қылыў бойынша
14 түрдеги тадбирлер атамасы, әмелге асырыў механизмлери, мүддетлери ҳәмде тийисли жуўапкер органлар бойынша илажлар режеси қосымша етилген.

Буннан тысқары, 2019-йил 1-августтан баслап мәмлекетлик хызметлерин көрсетиўде мәмлекет органлары ҳәм басқа шөлкемлер тәрепинен физикалық шахслардан жамғарып барылатуғын пенсия дәптершелери, салық ҳәм басқа мәжбүрий төлеўлер бойынша қарызы бар яки жоқ екенлиги ҳаққында мағлыўматнамалар, салық төлеўшиниң есапқа қойылғанлығы ҳаққындағы гүўалықлар, төленген дәраматлар ҳәм физикалық шахслардан алынатуғын дәрамат салығының услап қалынған суммалары ҳаққындағы мағлыўматнамалар талап етилиўи қадаған етиледи.

Мәмлекетлик хызметлер Агентлигине, хожалық басқарыў органлары, үй-жай коммунал ҳәм пайдаланыў хожалығы шөлкемлери тәрепинен түрли хызметлер көрсетиў сапасы үстинен, соның менен бирге, хызмет көрсетиў процесинде заманагөй мәлимлеме-коммуникация технологиялары менен тәмийинлеў ҳәм пуқаралар ушын басқа қолайлықлар жаратыў барысында мониторинг алып барыў ўәкиллиги берилген.

Сондай-ақ, мәмлекетлик хызметлер Агентлигине, хожалық басқарыў органлары, үй-жай коммунал ҳәм пайдаланыў хожалығы шөлкемлеринде анықланған нызам бузылыў ҳалатлары, кемшиликлерди, олардың жол қойылыўына алып келген себеплер ҳәм шәраятларды анықлаў бойынша усыныснамалар киритиў, мәмлекетлик хызметлери көрсетиў талаплары ҳәм тәртиби бузылғанлығы ушын жуўапкер болған лаўазымлы шахсларды ҳәкимшилик жуўапкершиликке тартыў ҳуқықы берилген. 

Сондай-ақ, Мәмлекетлик хызметлери орайларында «Call service» арқалы мәмлекетлик хызметлерин көрсетиў механизмин нәзерде тутыўшы норматив-ҳуқықый хүжжети ислеп шығылыўы көрсетилип өтилген.

Бул қарардың тағы бир әҳмийетли тәрепи, орта арнаўлы билимлендириў мәкемелериндеги жоқары класлар  ушын «Информатика ҳәм мәлимлеме технологиялары» пәниниң оқыў дәстүрине «Электрон ҳукумат» системасы хызметлеринен пайдаланыў, талап ең жоқары болған мәмлекетлик хызметлерин заманагөй мәлимлеме коммуникация технологияларынан, соның менен бирге, жеке порталдан пайдаланған ҳалда алыў көникпелерине үйретиўге бағышланған арнаўлы бөлим киритилиўи көрсетилген.

 

С.Отегенов

Кегейли районы Мәмлекетлик хызметлер орайы бөлим баслығы

скачать dle 10.6фильмы бесплатно



  • 14-03-2019, 16:30 |
  • 351