Әжапасына қол көтерген пуқараға суд ҳүким шығарды

Пуқара С.М. өз үйинде туўысқан әжапасы Нөкис қаласында жасаўшы пуқара Г.М. менен өз-ара тартысып қол көтерип оған дене жарақатын жеткизген. Нәтийжеде пуқара Г.М. емлеўханаға түскен. Бул ҳәдийсе бойынша өткерилген суд-медициналық экспертизасының 104-санлы жуўмағына көре, жәбирлениўшиниӊ ден-саўлығы 21 күннен көп болған мүддетке бузылыўына алып келген «Орта» аўыр дəрежедеги дене жарақатын алғанлығы көрсетилген.

Қарақалпақстан Республикасы жынаят ислери бойынша судыныӊ Нызам ҳүжжетлерин тәртиплестириў  ҳәм  дизимге салыў бөлими берген мағлыўматына қарағанда, суд барысында Г.М. Республикалық емлеўханада жети күн даўамында емленип жатқанын, иниси С.М.-қа кеширим бермейтуғынын көрсетип өткен.

Пуқара С.М. өзиниң жоқарыда көрсетилген ис ҳәрекетлери менен Өзбекстан Республикасы Жынаят кодексиниң 105-статьясы 1-бөлиминде нәзерде тутылған жынаятты қасттан ислеген ҳәм айыплы деп табылған.

Судланыўшы С.М.ныӊ ислеген жынаятының жәмийетлик қәўиплилик дәрежесин итибарға алып, оған Жынаят кодексиниң 105-статьясы 1-бөлими санкциясы шеңберинде ҳәр ай сайын айлық ис ҳақысының 20% муғдарында мәмлекет пайдасына услап турыў жолы менен еки жыл мүддетке мийнет пенен дүзетиў иси жазасы тайынланды.

 

Дерек: http://zaman.uz

 

скачать dle 10.6фильмы бесплатно



  • 22-02-2019, 10:31 |
  • 922