Өзбекистанда 1-марттан қала телефоны ушын абонент төлеми көтериледи

«Ўзбектелеком» АК 2019-жыл 1-марттан «Телекоммуникация универсал хызметлери тарифлериниң  шегара дәрежелери» прейскурантына муўапық белгиленетуғын телекоммуникация универсал хызметлери тарифлери өзгериўи ҳаққында мәлим етти.

Киргизилген өзгерислерге муўапық, қала ҳәм аўыл телефон тармағы абонентлери тийкарғы телефон аппаратыннан пайдаланғанлығы ушын абонент төлеми муғдары көтерилди.

Сондай-ақ, телефон байланыс хызмети ушын абонент төлеўи ҳәм саатпай  төлеў системасы ушын есап-китап системасы әпиўайыластырылды. Сондай-ақ, кешки ўақыт ҳәм дем алыс (шемби, екшенби, байрам) күнлери жергиликли ҳәм қалалараралық телефон тармақларына әмелге асырылатуғын қоңыраўлар ушын төменлетилген коэффициентлер бийкар етилди.

Буннан тысқары, үйлер телефоны ҳәм мийманханаларда жасаўшы пуқаралар ушын орнатылған телефонлардан кредитке берилетуғын сөйлесиўлерде ҳәр бир сөйлесиў ушын үстеме муғдарындағы төлем ҳақы бийкар етилди.

Компанияның мәлим етиўинше, басқа универсал хызметлер тарифлери алдынғы жағдайында сақланған. Сондай-ақ,  телефон тармағына жалғаў ушын дизимге алыў төлеми ҳәм телефоннан пайдаланыўдағы төлеўлерге орнатылған жеңилликлер өз күшин сақлап қалады.

Еслетип өтемиз, 2018-жыл 10-сентябрьден тоғыз ханалы номерлеў системасына өтиў ҳәм «қалалараралық телефон байланысы» хызметлерин әпиўайыластырыў мүнәсебети менен жергиликли ҳәм қалалараралық байланыс хызметлери ушын аралыққа байланыслы болмаған жағдайда орнатылған лимитте айына 180 минуттан зият сөйлеситўлердиң ҳәр бир толық яки толық емес минуты ушын 12 сўм муғдарына бирден-бир  тариф белгиленген.

 

Өзбекистанда 1-марттан қала телефоны ушын абонент төлеми көтериледи

 

Аўдарма: makan.uz

 

скачать dle 10.6фильмы бесплатно



  • 13-02-2019, 16:57 |
  • 798