«Makan.uz»ға мүрәжат келип түсти: хызметшилер 3 айдан берли ис ҳақысын алмады

«Ассалаўма алейкум, Makan.uz журналистлери. Нөкис қаласында жайласқан Қарақалпақстан Республикасы жоллардан пайдаланыў унитар кәрханасы Нөкис филиалы жумысшылары 2018-жыл ноябрь айынан баслап 3 ай болды ис ҳақысын алмады. Бундай жағдай бул кәрханада тез-тез қайталанып турады, яғный ис ҳақылар өз ўақтында берилмейди.
Ҳәр бир адам мийнет еткеннен кейин өз ис ҳақысын ўақтында алыўды қәлейди ҳәм өз үйинде газ, ток, суў сыяқлы коммунал төлемлерди ўақтында төлеп барыўы керек болады.
Сизлерден илтимасымыз, ис ҳақыларымыздың иркилиў себеплерин билип, бул мәселеге анықлық киргизиў ушын хабарыңызда жәриялап берсеңиз.
Өзлериңиз көрип гүўаси болып атырғандай, Нөкис қаласында жолларымыз кеңейтилип бир қанша жумыслар исленип атыр, бул өзгерислер әлбетте жақсы, бирақ усы кәрханада мийнет етип атырған жол жумысшылары (рабочийлар) сол айлық ис ҳақысы менен күн көреди».

Биз бул мәселени Телеграм каналымыз арқалы жәриялаў арқалы Қарақалпақстан Республикасы жоллардан пайдаланыў унитар кәрханасы Нөкис филиалына ашық хат жоллап, жақын ўақыт ишинде бул мәселеге рәсмий мүнәсибет билдириўин сораймыз.

 

скачать dle 10.6фильмы бесплатно



  • 11-02-2019, 11:26 |
  • 310