«Дамас» шофёрларына шаралар көрилмекте. Және автобуслар алып келинеди

Нөкис қаласында 14 автобус жөнелисинде 54 автобус, 989 микроавтобуслар жолаўшыларға хызмет көрсетпекте, деп хабар берди kar24.uz сайты.

«Дамас»лардың өз жөнелиси бойынша табличкаларын қыстырып қоймаўы, мәнзилине өз ўақтында жетип барыўы бойынша бир қанша кемшиликлер гүзетилмекте. Бул жағдайлар бойынша “Ўзавтотранс” агентлиги Қарақалпақстан Республикасы басқармасы тәрепинен шаралар көрилмекте.

Атап айтқанда, бир неше жуўапкершилиги шекленген жәмийетлериниң 2 шофёрына 30 процент муғдарында жәрийма қолланылған, ал бир шофёр жумыстан босатылған.

- Жақында “Автотранс Чимбой” унитар кәрханасына 50 дана автобус алып келинген еди. Наўрыз байрамына шекем және 50 автобус алып келиниўи режелестирилген, - дейди агентликтиң Қарақалпақстан Республикасы басқармасы баслығы Аллаберген Бердибаев.

Агентлик тәрепинен жолкирей баҳасын көтериў, қопал қатнасықта болған шофёрлар да жазаға тартылмақта, делинген хабарда.

 

Аўдарма: makan.uz

скачать dle 10.6фильмы бесплатно



  • 6-02-2019, 17:34 |
  • 2 357