Мәмлекетлик хызметлерди көрсетиўде нызам бузылыўшылыққа жол қойған лаўазымлы шахслар жуўапкершиликке тартылды

Мәмлекетлик хызметлерди көрсетиў барысында “бир айна” принцпи бойынша басқышпа-басқыш енгизилип атырған хызметлер жыл сайын артып, исбилерменлик субъектлери ҳәм пуқаралар ушын бир неше хызмет түрлерин бир жердиң өзинде алыў имканыяты пайда болмақта. Бул болса өз гезегинде халқымыздың мәмлекетлик хызметлерди көрсетиў тараўына исениминиң артыўына себеп болмақта. Олар енди ҳәр қыйлы мәкемелерге әўере болып бармастан тийисли ҳүжжетлерин орайға алып келиў арқалы өз жумысларының унамлы орынланыўына ериспекте. Қанлыкөл районы Мәмлекетлик хызметлер орайы арқалы өткен 2018-жыл даўамында 70 ке жақын түрдеги хызметлерден 11 мыңнан аслам хызметлер көрсетилген болса, 2019-жылы болса орай арқалы көрсетилетуғын хызметлердиң түри және артыўы күтилмекте.
Деген менен, айырым ўәкилликли уйымлар тәрепинен мүражатларды көрип шығыў барысында жол қойылған нызам бузылыўшылық ҳалатлары да ушыраспақта. Келешекте бундай жағдайларды сапластырыў ҳәм болдырмаў иләжларын көриў бойынша орайда ўәкилликли уйымлардың жуўаплы хызметкерлери менен биргеликте сәўбетлесиў өткерилди. Ɵзбекстан Республикасы ҳәкимшилик жуўапкершилик ҳаққындағы кодекстиң 215-5-статьясы менен районлық қурылыс бөлиминиң, мәмлекетлик салық инспекциясының, жер ресурслары ҳәм мәмлекетлик кадастр бөлиминиң, мектепке шекемги тәлим бөлиминиң, жер дүзиў ҳәм көшпес мүлк кадастр мәмлекетлик кәрханасы районлық филиалының жуўаплы хызметкерлери ҳәкимшилик жуўапкершиликке тартылған болса, районлық суў тармақлары кәрханасының мүражатлер менен ислесиўши жуўаплы хызметкери болса интызамый жуўапкершиликке тартылған.

Мәмлекетлик хызметлерди көрсетиўде нызам бузылыўшылыққа жол қойған лаўазымлы шахслар жуўапкершиликке тартылды

 

Ɵзбекстан Республикасы ҳәкимшилик жуўапкершилик ҳаққындағы кодекстиң 215-5-статьясы менен мәмлекетлик хызметлер көрсетиў тараўында нызам ҳүжжетлерин бузыў лаўазымлы шахсларға ҳәм хызметкерлерге ең кем айлық ис ҳақының үш есесинен бес есесине шекемги муғдарындағы жәрийма салыныўына себеп болатуғынлығы, және усындай ҳуқуқбузарлық ҳәкимшилик жаза шарасы қолланылғаннан кейин, бир жыл даўамында тәкирар әмелге асырылса, лаўазымлы шахсларға ҳәм хызметкерлерге ең кем айлық ис ҳақының бес есесинен он есесине шекемги муғдардағы жәрийма салыўға себеп болатуғынлығы қатнасыўшыларға айтып өтилди. 245-5-статья менен Ɵзбекстан Республикасы Әдиллик министрлиги жанындағы Мәмлекетлик хызметлер агентлиги органларына усы кодекстиң 215-5-статьясында нәзерде тутылған ҳәкимшилик ҳуқуқбузарлықлар ҳаққындағы ислерди көрип шығыўға ҳәм жәрийма түриндеги ҳәкимшилик жаза шараларын қоллаўға Ɵзбекстан Республикасы Әдиллик министрлиги жанындағы Мәмлекетлик хызметлер агентлиги директоры ҳәм оның орынбасарлары ҳәм оның аймақлық басқармаларының баслықлары, олардың орынбасарлары ҳақлы болып есапланады.

Мәмлекетлик хызметлерди көрсетиўде нызам бузылыўшылыққа жол қойған лаўазымлы шахслар жуўапкершиликке тартылды

 


Сәўбетлесиў соңында бундай жағдайларды болдырмаў ушын мүражатлерди өз ўақтында белгиленген регламент талаплары бойынша алып барыў керек екенлиги ҳаққында айтып өтилди.

 

Д.Куденов
Орай директоры

скачать dle 10.6фильмы бесплатно



  • 14-01-2019, 20:37 |
  • 389