Аў қуралын алыўға рухсатнама рәсмийлестириў тәртиби

2018-жыл даўамында Өзбекстан Республикасы ИИМ Патруль пост хызмети ҳәм жәмийетилик тәртипти сақлаў басқармасының электрон порталы арқалы физикалық ҳәм юридикалық шахслардан келип түскен улыўма мүрәжаатлердың мазмуны ҳәр тәреплеме үйренилгенде, дерлик 13,8 пайызы аў қуралына тийисли рухсатнама алыў бойынша екенлиги анықланған. Сол себепли пуқараларға аў қуралын алыўға рухсатнама рәсмийлестириў тәртиби бойынша түсиник бериў максетинде Ишки ислер министрлиги төмендегилерди билдиреди:

Аў қуралларына ийелик етиў Өзбекстан Республикасы Ишки ислер министрлигиниң норматив ҳуқыкый ҳүжжетлерине тийкар әмелге асырылады.

Бунда аў қуралына ийелик етиў ушын «Аңшылық ҳәм балықшылық жәмийетине» ағза болған, яғный аңшылық билетине ийе 21 жасқа толған Өзбекстан Республикасы пуқарасы болыўы шәрт.

Пуқаралар жоқарыда көрсетилген талапларға туўры келгеннен соң, жергиликли ишки ислер органларына арза арқалы мүрәжаат етип, аў қуралын сақлаў, алып жүриў ҳәм пайдаланыў рухсатнамасын алыў ушын төмендеги ҳүжжетлерди алып барыўы керек болады:

- Аңшылық билетиниң нусқасы;

- Паспорт нусқасы;

- 3х4 көлеминдеги 4 дана сүўрет;

- Республикалык руўхый кеселликлер диспансеринен есапта турмайды деген мағлыўмат (Тахиаташ);

- Республикалық наркологиялық диспансеринде есапта турмайды деген  мағлыўмат;

- Жергиликли поликлиникадан ден саўлығы ҳаққында мағлыўмат; 

Ишки ислер органлары тәрепинен төмендеги жағдайларда аў қуралларына ийелик етиў, сақлаў ҳәм алып жүриў рухсатнамалары берилмейди, ал алдын берилген рухсатнамалар бийкарланады:

-  Руўхый кеселликлерге шалынған ҳәм есапта турғанларға;

- Турақлы түрде жәмийетлик тәртипти бузыўшы, спиртли ишимлик ишиўге бейим ҳәмде басқа унамсыз  мағлыуматларға ийе пуқараларға;

- Жынайый иси қозғатылғанларға;

- Судланғанлығы алып тасланбаған, оқ атар қуралы ҳәм жарылғыш затлар менен жынаят ислегенлерге.

 

Қарақалпақстан Республикасы Ишки ислер министрлиги Патруль-пост хызмети ҳәм жәмийетилик тәртипти сақлаў басқармасы

скачать dle 10.6фильмы бесплатно



  • 11-01-2019, 15:57 |
  • 811