Судларда бажы төлеў бойынша бир қатар жеңилликлер бийкар етилди

Судларда мәмлекетлик бажыны өндириў механизмлери жетилистирилиўи мүнәсибети менен Өзбекстан Республикасының Салық кодексине өзгерис ҳәм қосымшалар киргизиў ҳаққындағы Нызам Президент тәрепинен қол қойылды.

Киргизилген өзгерислерге муўапық, судларда мәмлекетлик бажы төлеўден азат етиў бойынша жеңилликлердиң бир қаншасы бийкар етилди.

Атап айтқанда, төмендегилер ендигиден былай судларға мүрәжат еткенде мәмлекетлик бажы төлейди:

Пуқаралық ислери бойынша судларда:

 - даўагерлер – авторлық ҳуқықлары ҳәм түрлес ҳуқықлардан, сондай-ақ изобретение, пайдалы модель, санаат үлгиси, товар белгиси, хызмет көрсетиў белгиси ҳәм товар келип шыққан орын атына, селекция жетискенлигине болған ҳуқықтан келип шығатуғын даўалар бойынша;

 - некени бийкар етиў ҳаққындағы мал-мулкти бөлиў менен байланыслы болмаған ислер бойынша апелляция ҳәм кассация шағымлары менен мүрәжат етген шахслар.

 - экономикалық судларда:

 - аўыл хожалығы товарларына ислеп шығарыўшылар – таярлаў ҳәм хызмет көрсетиўши шөлкемлер шәртнама мәжбүриятларын орынламағанлығы менен байланыслы даўалар бойынша;

 - жеке үй жай мүлкдарларының ширкетлери, коммунал-пайдаланыў шөлкемлери – мәжбүрий төлемлерди төлеў ҳәм коммунал хызметлер төлеўи бойынша қарызларды өндириў ҳаққындағы даўалар бойынша;

 - жеке үй жай мүлкдарларының ширкетлери, коммунал-пайдаланыў шөлкемлери – шәртнамалар үй-жай коммунал хызметлер көрсетиўши кәрханалар тәрепинен орынланбағанлығы себепли келтирилген зыянның орнын қаплаў ҳаққындағы даўалар бойынша.

Сондай-ақ, Нызам менен ҳәкимшилик судларда мәмлекетлик бажыны төлеўден азат етилетуғын тапалар тастыйықланды. Соның ишинде, әдиллик органлары тәрепинен мәмлекеттиң, юридикалық ҳәм физикалық шахслардың мәплерин көзлеп беретуғын арзалар бойынша мәмлекетлик бажы өндирилмейди.

Буннан тысқары, мәмлекетлик бажы төлеўден азат етилген мәмлекетлик органлары ҳәмде басқа шахслар тәрепинен юридикалық ҳәм физикалық шахслардың мәплерин көзлеп билдирилген талапларын қанәәт етиў бийкар етилген ямаса олар бир бөлегин қанаатландырылған жағдайда, мәмлекетлик бажы арза қайсы шахслардың мәплерин көзлеп тақдим етилген болса, сол шахслардан даўа талапларының қанаатландырылыўы бийкар етилген бөлегине сәйкес рәўиште өндирилиўи белгиленди.

 

Дерек: https://t.me/huqiqiymalimleme

скачать dle 10.6фильмы бесплатно



  • 11-01-2019, 14:06 |
  • 350