Makan.uz’ға Нөкисте жолаўшы поезды өспиримди қағып алған жағдайдың машинист кабинасынан түсирилген видеосы келип түсти

Категория 18+

Makan.uz’ға Нөкисте жолаўшы поезды өспиримди қағып алған жағдайдың машинист кабинасынан түсирилген видеосы келип түсти

 

Хабарыңыз бар, 2019-жылдың 5-январь күни саат 13:45де Нөкис қаласы аймағынан өтип турған «Хожели-Нөкис» темир жолы перегонының 2-пикетиниң 699-километринде 334-санлы «Саратов-Ургенч-Ташкент» жолаўшы тасыўшы поездын тартып баратырған  UZTE16М2-033-санлы тепловозы темир жол рельсиниң ортасында қулағында наушник тағып баратырған, Нөкис қаласында жасаўшы 2002-жылы туўылған пуқара Д.Р.ды қағып алған. Нәтийжеде пуқара Д.Р. ўақыя орнында қайтыс болған.

Бүгин, 8-январь күни makan.uz’ға болған бахытсыз ҳәдийсениң видеокөриниси келип түсти.

Бул темада жазыў аңсат болмаса да, пуқаралардың темир жолларда қәўипсизлик шараларына әмел етиўи, сондай-ақ, орын алған бахытсыз ҳәдийсениң машинист кабинасынан көриниси жағдайға анықлық киритиўи ушын видеоны дыққатыңызға усынамыз.

Видеода поездиң тезлик пенен киятырғаны, машинист кабинасындағы адамлардың бири күйип-писип сөйлеп атырғаны, тынбастан сигнал шалынып атырғаны, рельс ортасында кетип баратырған баланың сигналларға ҳеш қандай итибар берместен баратырғаны, поездиң балаға жақынлаған ўақытта тормоз басылған даўысы еситиледи.

 

Видео: https://mover.uz/watch/sjBBce8m 

 

Еслетип өтемиз, Қарақалпақстан Республикасы Ишки ислер министрлигиниң баспасөз хызмети хабар бериўинше, бул жағдай бойынша ҳәзирги ўақытта тергеў алды сорастырыў жумыслары алып барылмақта.

 

Makan.uz сайты бахытсыз ҳәдийсе себепли қайтыс болған пуқара Д.Р.дың шаңарағы ҳәм жақынларына терең қайғырыў билдирип, кеўил айтады.

скачать dle 10.6фильмы бесплатно



  • 8-01-2019, 16:29 |
  • 4 876