Хожелидеги болған жол транспорт ҳәдийсеси ҳаққында бизге мәлим мағлыўмат

Хожели районында 27-декабрь күни жол транспорт ҳәдийсеси жүз берген. Яғный Нексия-3 маркалы автомашина бетон тосыққа барып урылған. Соқлығыс нәтийжесинде, автомашинада газ баллон атылған. Нәтийжеде 4 адам биймезгил әлемнен өткен. Бизге келип жеткен мағлыўмат бойынша, автомашина ишинде 1971, 1981, 1986, 1992-жылы туўылған инсанлар болған. Олардың ишинде еки адам Қарақалпақстан Республикасы Үй-жай коммунал хызмет көрсетиў министрлигинен (биреўи министр орынбасары; биреўи шофёр), бир адам Түйемойын Нөкис мәкемесинен, сондай-ақ, биреўи Қарақалпақстан Республикасы Министрлер Кеңеси Улыўма бөлиминиң жетекши қәнигеси Давлетияров Аскар Есбосынович болған.

 

Бул бойынша рәсмий мағлыўмат күтемиз!

 

Орын алған бундай бахытсыз ҳәдийседе өз жақынларын жоғалтқан, марҳумлардың шаңарақ ағзаларына, жақынларына терең қайғырыў айтып, кеўил айтамыз.

 

Текст: makan.uz

скачать dle 10.6фильмы бесплатно



  • 28-12-2018, 21:22 |
  • 1 451