1-январьдан бензин, дизель жанылғысы ҳәм газ ислеткени ушын алынатуғын салық бийкарланды

Cалық кодексине киргизилген өзгерислерге муўапық, бензин, дизель жанылғысы ҳәм газ тутынғаны ушын алынатуғын салық, бюджеттен тысқары Пенсия фондына пуқаралардың қамсызландырыў төлемлери ҳәм мәмлекет мақсетли фондларына мәжбүрий ажыратпалар бийкарланды.

Бунда бензин, дизель жанылғысы ҳәм газ тутынғаны ушын алынатуғын салық акциз салығы объектине киргизилди. Бул ҳаққында Әдиллик министрлиги хабар берди.

Салық жеңилликлери бөлек жағдайларда Министрлер Кабинетиниң қарарларында да нәзерде тутылыўы мүмкин. Алдын жеңилликлер тек ғана Салық кодексинде, нызамларда ҳәм Президент қарарларында белгиленген.

Енди ири салық төлеўшилер, жайласқан жеринен бийғәрез, салық есабатын Ири салық төлеўшилер бойынша аймақлар ара мәмлекетлик салық инспекциясына тапсырады.

Алдын салық есабаты Қарақалпақстан Республикасы, ўәлаятлар ҳәм Ташкент қаласы мәмлекетлик салық басқармаларына тапсырылған.

Салық төлеўши тәрепинен артықша төленген сумманы басқа түрдеги салықлар бойынша қарызды үзиў есабына, басқа түрдеги салықлар бойынша пеня ҳәм жәриймаларды үзиў есабынан ямаса басқа түрдеги салықлар бойынша келеси төлемлер есабынан өткериў Финанс министрлиги ғазнашылығы тәрепинен әмелге асырылады. Алдын бул ҳәрекет тийисли финанс органлары тәрепинен әмелге асырылған.

Нызам 2019-жыл 1-январьдан күшке киреди.

 

Аўдарма: makan.uz

скачать dle 10.6фильмы бесплатно



  • 25-12-2018, 13:49 |
  • 922