Салық органлары тәрепинен экспресс-үйрениўлер әмелге асырылады

 

Салық органлары тәрепинен экспресс-үйрениўлер әмелге асырылады

Ҳүкимет қарары менен Мәмлекетлик салық хызмети органлары тәрепинен темаға байланыслы ҳәм экспресс-үйрениўлерди әмелге асырыў тәртиби ҳаққындағы реже тастыйықланды.

  Реже камерал қадағалаў бойынша салык төлеўши усынған мәлимлемениң исенимлилигин ҳәмде салық төлеўшилерге салық ҳәм бажыхана жеңилликлерин қоллаўдың нызамлылығын тастыйықлаў ушын орнына барған ҳалда темаға байланыслы ҳәм экспресс-үйрениўлерди әмелге асырыў тәртибин белгилейди.

Төмендегилер темаға байланыслы ҳәм экспресс-үйрениўлерди әмелге асырыў өлшемлери есапланады:

 Мәмлекет үлеси 50 процент ҳәм оннан артық болған субъектлердиң сап пайда ҳәм дивидендлер ҳаққындағы, сондай-ақ унитар кәрханалардың сап пайдасынан Мәмлекет бюджетине 30 процент ажыратпаны анықлаў ҳаққындағы есабатында ҳәмде салық органларындағы мағлыўматлар арасында айырмашылықлар бар екенлиги;

 камерал қадағалаў нәтийжесинде банк есап бетлерине пул қаржыларының анализинде товар-материаллық байлықлар, жумыслар ҳәм хызметлердиң көлеми, номенклатурасы ҳәм суммасы ортасындағы айырмашылық;

 валютаға байланыслы анықланған нызамбузыўшылықлар, импорт ҳәм экспорт етилетуғын товарлар баҳасының асырылыўы ҳәм түсирилиўи.

  Режеге муўапық, салық төлеўши нызамсыз ҳәмде темаға байланыслы ҳәм экспресс-үйрениўге байланысы болмаған ҳүжжетлер ҳәм талапларды орынламаў, сондай-ақ лаўазымлы шахслардың ис-ҳәрекетлери үстинен шағым бериў ҳуқықына ийе.

  Сондай-ақ, салық органларының лаўазымлы шахслары салық төлеўшиге салық органының темаға байланыслы ҳәм экспресс-үйрениў тайынланғанлығы ҳаққындағы буйырықтан көширме нусқасын тапсырыўы ҳәм салық сырына бойсыныўы шәрт.

 Темаға байланыслы ҳәм экспресс-үйрениўлерди әмелге асырыў мүддети бес жумыс күнинен аспаўы керек.

Темаға байланыслы ҳәм экспресс-үйрениў нәтийжеси бойынша нызамбузылыўлар анықланған жағдайда мағлыўмат дүзиледи ҳәм оған төмендегилер қосымша етиледи:

 үйрениў ушын тийкар болған өлшемлер көрсетилген ҳүжжетлердиң нусқалары;

үйрениў даўамында алынған ҳүжжетлер нусқалары.

 Салық төлеўшилер үйрениў жуўмақланғанға шекем салыққа байланыслы ҳуқықбузарлықты сапластырыўға ҳақлы.

 

Дерек: https://t.me/huqiqiymalimleme

скачать dle 10.6фильмы бесплатно



  • 5-12-2018, 10:53 |
  • 121