2019-жыл 1-июлден шофёрлар мобиль видеокамерасыз ислеп атырған ЖПХ хызметшисине ҳүжжетлерин көрсетпеў ҳуқықына ийе болады

2019-жыл 1-июлден шофёрлар мобиль видеокамерасыз ислеп атырған ЖПХ хызметшисине ҳүжжетлерин көрсетпеў ҳуқықына ийе болады

2019-жыл 1-июлден баслап жол ҳәрекети қатнасыўшылары мобиль видеокамерасыз искерлик алып барып атырған ЖПХ хызметкерине ҳүжжетлерин усынбаў ҳуқықына ийе екенлиги белгиленди.

Ҳүкимет қарары менен Жол-патруль хызмети хызметкерлериниң жол ҳәрекети қатнасыўшылары менен өзара қатнасықлары ҳәмде арнаўлы қурылмалардан пайдаланыў тәртиби ҳаққындағы реже (МКҚ-975, 01.12.2018-ж.) тастыйықланды.

Режеге муўапық ЖПХ хызметкери хызмет ўазыйпасын әмелге асырыўда төмендегилерге мәжбүр:

ўазыйпаларын мобиль видеокамерадан пайдаланып алып барыў ҳәм бул ҳаққында жол ҳәрекети қатнасыўшыларына  мәлим етиў (2019-жыл 1-июлден);

жол ҳәрекети қатансыўшысы тоқтатылғанда оның алдына барыў, өзин таныстырыў, лаўазымы, атағы фамилиясы ҳаққында мағлыўмат бериў ҳәмде оларға “Сиз” деп мүрәжат етиў; 

медициналық жәрдемге мүтәәжлерди белгиленген орынға алып барыўда пуқараларға жәрдем көрсетиў;

айдаўшыны тезликти асырғаны ҳаққындағы арнаўлы қурылмалардың көрсеткишлери менен таныстырыў, талабына көре қурылмалардың салыстырыў сертификатын көрсетиў.

Жол ҳәрекети қатнасыўшылары мобиль видеокамерасыз искерлик алып барып атырған ЖПХ хызметкерине ҳүжжетлерди усынбаў ҳуқықына ийе (2019-жыл 1-июлден).

 

Дерек: https://t.me/huqiqiymalimleme

скачать dle 10.6фильмы бесплатно



  • 5-12-2018, 10:31 |
  • 255