Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасының жаңа имараты

 

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасының жаңа имараты

Усы жыл 27-ноябрь күни Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасының жаңа имараты пайдаланыўға тапсырылды.

Илажда Қарақалпақстан Республикасы Ишки ислер министри А.Темирханов,   Қарақалпақстан Республикасы Жоқарғы Кеңесиниң комитет баслығы Д.Қурбаниязов шығып сөйлеп, жыйналғанларды жаңа имараттың пайдаланыўға тапсырылыўы менен қутлықлады.

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасының жаңа имараты

 

Бул бағдарда Миграция ҳәм пуқаралықты рәсмийлестириў басқармасының хызметкерлери тәрепинен де бир қатар унамлы жумыслар алып барылмақта. Бүгинги күнге республикамыз бойынша 1 миллион 221  мың 957 пуқараға биометриялық паспорт тапсырылды.

Жаңа имараттың пайдаланыўға тапсырылыўы пуқаралар ушын бир қанша қолайлықлар жаратады. Себеби, Миграция ҳәм пуқаралықты рәсмийлестириў басқармасының, Нөкис қалалық Ишки ислер уйымларының жумысларын муўапықластырыў басқармасының Миграция ҳәм пуқаралықты рәсмийлестириў бөлиминиң, министрликтиң Мәкан жай-мағлыўмат орайының бир имаратта жайласыўы бул жерге келиўшилердиң ўақытларын үнемлеп, жумыслардың бир жерден питиўине жәрдем береди. «Арнаўлы қурылыс-5» жуўапкершилиги шекленген жәмийетиниң қурылысшылары тәрепинен имаратта 435 миллион сумлық капитал оңлаў жумыслары алып барылды.

Илаж қатнасыўшылары жаңа имаратта хызметкерлерге жаратылған шараятлар менен танысты.

 

Қарақалпақстан Республикасы Ишки ислер министрлиги Миграция ҳәм пуқаралықты рәсмийлестириў басқармасының жаңа имараты

 

Д.АБИБУЛЛАЕВ,

Қарақалпақстан хабар агентлигиниң хабаршысы

 

скачать dle 10.6фильмы бесплатно



  • 28-11-2018, 12:30 |
  • 685