«Ең жақсы мақала дөретиўши» таңлаўы жеңимпазлары анықланды

Исбилерменлер ҳәрекети – Өзбекстан Либерал-демократиялық партиясы шөлкемлестирилгенлигиниң он бес жыл толыўы мүнәсибети менен партия мақсет-ўазыйпаларын орынлаўда, мәмлекет тәрепинен исбилерменлерди қоллап-қуўатлаў бойынша әмелге асырылып атырған илажларды, жеңилликлерди кеңнен түсиндириўде, мәмлекет басқарыўында ҳәм Ҳүкимет қарарларының орынланыўын тәмийинлеўде ӨзЛиДеПның орны, халыктың социаллық жағдайын жақсылаўда депутатлардың жумысларын ғалаба хабар қуралларында жарытып киятырған журналистлерди ҳәм дөретиўшилерди қоллап-қуўатлаў мақсетинде O’zLiDeP Қарақалпақстан Республикалық Кеңеси, Қарақалпақстан Республикасы Жазыўшылар аўқамы, Қарақалпақстан Республикасы Баспасөз ҳәм хабар агентлиги ҳәм Қарақалпақстан Республикасы «Билим» баспасы менен биргеликте «Ең жақсы мақала дөретиўши» таңлаўы өткерилди.

«Ең жақсы мақала дөретиўши» таңлаўы жеңимпазлары анықланды

 

Таңлаў еки басқышта шөлкемлестирилди. Биринши район ҳәм қалалық басқыш, екинши республика басқышы. Таңлаўдың республика басқышына ҳәр бир районнан 1-2-3 орынды ийелеген жеңимпазлардың 45 тен аслам мақалалар қатнасты.

«Ең жақсы мақала дөретиўши» таңлаўы жеңимпазлары анықланды

 

Мақала дөретиўшилердиң мийнетлери таңлаў Төрешилер қурамы тәрепинен баҳаланды. Төрешилер қурамында Қарақалпақстан Республикасы Жазыўшылар аўқамы әдебий мәслаҳатшиси Амирлан Сейдин Елсуйер улы, Қарақалпақстан Республкасы «Билим» баспасы редакторы Жумабаева Мехрийбан Азатовна, Қарақалпақстан Республикасы Баспасөз ҳәм хабар агентлиги бөлим баслығы Ешниязова Гулбаҳар, Қарақалпақстан Республикасы Хабар агентлиги бөлим баслығы Жиемуратов Адилбай Маркабаевич ҳәм «Еркин Қарақалпақстан» редакциясы журналисти Сапарова Гулайым Халмуратовналар басшылық етти.

Таңлаўдың республикалық басқышында 1-орынды “Ғайратлы қыздың ғайбарлығы” ҳәм “Шығындылардан миллионер болған исбилермен” мақала дөретпелери ушын Турдышова Гулнара Шыразовна (Нөкис қаласы), 2-орынды “Кегейли турмысы” аймақлық газетасында жәрияланған мақала дөретпелери ушын Кайпова Замира Сатбаевна (Кегейли районы) ҳәм «www.kknews.uz» сайты арқалы информацион мақала дөретпелери ушын Сейтназарова Тарбия (Нөкис қаласы), 3-орынды “Тамаддун Нури” журналы, “Келажак бугундан бошланади” рубрикасы “Соҳалар тараққиёти халқ фаровонлигига хизмат қилади” мақала дөретпеси ушын Қурбанбаева Мунавара (Беруний районы), “Шымбай ҳаўазы” аймақлық газетасында жәрияланған мақала дөретпелери ушын Толыбаева Наргиза (Шымбай районы) ҳәмде “Ақманғыт таңы” аймақлық газетасында жәрияланған мақала дөретпелери ушын Жанабаев Русланлар (Нөкис районы) жеңимпаз деп табылды. Таңлаў жеңимпазлары ушын O’zLiDeP Қарақалпақстан Республикалық Кеңеси тәрепинен арнаўлы Диплом ҳәм саўғалар менен сыйлықланды.

 

«Ең жақсы мақала дөретиўши» таңлаўы жеңимпазлары анықланды

 

«Ең жақсы мақала дөретиўши» таңлаўы жеңимпазлары анықланды

 

«Ең жақсы мақала дөретиўши» таңлаўы жеңимпазлары анықланды

 

Қутлыбай Бекназаров

O’zLiDeP Қарақалпақстан Республикалық Кеңеси

бөлим баслығы

 

скачать dle 10.6фильмы бесплатно



  • 16-11-2018, 14:11 |
  • 201