Қаласазлық нормалары жетилистириледи

Қурылыс тараўын мәмлекет тәрепинен тәртипке салыўды жетилистириў қосымша илажлары ҳаққындағы Президент Пәрманы қабыл етилди.

Пәрман менен 2018-жыл 1-декабрден баслап:

 - барлық қурылыс объектлери жойбарларының смета бөлими мәжбүрий тәртипте экспертизадан өткериледи (инвестициялар есабына әмелге асырылатуғын қурылыслар буннан тысқары);

 - қурылысы тамамланған объектлерди пайдаланыўға қабыл етиў қурылыс тараўындағы қадағалаў инспекциясы, кадастр органлары, буйыртпашы, пудратшы ўәкиллери қатнасында әмелге асырылады;

 - Сондай-ақ, “fast-track” усылы (бир ўақыттың өзинде жойбарластырыў, сатып алыў ҳәм қурыў) менен “таяр ҳалда тапсырыў” шәртлери тийкарында жойбарлар әмелге асырылады.

2019-жыл 1-январдан баслап:

 - жойбарлаў ҳәм қурылыс искерлигин әмелге асырыў ушын Экономикалық байланыс ҳәм раўажланыў шөлкемине ағза мәмлекетлер тәрепинен берилген сертификатлар ҳәм басқа ҳүжжетлер тән алынады. Мағлыўмат ушын: Экономикалық байланыс ҳәм раўажланыў шөлкеми- 1961-жылда экономикалық раўажланыў ҳәм дүнья саўдасын раўажландырыў ушын шөлкемлестирилген ҳүкиметлераралық экономикалық шөлкем есапланады. Шөлкемге бүгинги күнде 36 мәмлекет ағза.

қурылыс ушын жер участкаларын ўақтында ажыратпаў ямаса қәте ажыратыў нәтийжесинде жүзеге келген қәрежетлер жергиликли бюджет қаржылары есабынан қапланады;

 - миллий қурылыс нормалары ҳәм қағыйдалары сырт ел норматив-техникалық ҳүжжетлерге таңлаў тийкарында сәйкеслестириледи.

2019-жыл 1-марттан баслап:

 - маманлыққа ийе болыўы мәжбүрий болган қәнигелерди сертификатлаў Өзбекстан инженерлер-консультантлар бирлеспеси тәрепинен әмелге асырылады;

 - жойбарлаўды әмелге асырыўға штатында сертификатқа ийе ҳәм турақлы ислейтуғын кеминде еки инженер бар болған ямаса Өзбекстан инженерлер-консультантлар бирлеспеси ағзасы болған юридикалық шахсларға руқсат етиледи.

2020-жыл 1-январдан үй-жай қурылыс объектлери энергия-нәтийжели ҳәм энергия-үнемлеўши үскенелер менен мәжбүрий үскенелениўи лазым, BREEAM (бинәлар нәтийжелилигин экологиялық баҳалаў усылы) ҳәм LEED (энергия-нәтийжелилигин ҳәм экологиялық жойбарластырыў бойынша қолланба) стандартлары бойынша сертификатларға ийе объектлер буннан тысқары.

Буннан тысқары, қурылыс тараўын техникалық тәртипке салыўдың норматив базасы томендеги баскышларда реформаланады:

 - таярлық дәўири (2019-2021-жыллар)- геологиялық, тәбийий-климат, сейсмологиялық қәсийетлерди есапқа алган ҳалда миллий қурылыс нормалары қайта көрип шығылады ҳәм сырт ел норматив-техникалық ҳүжжетлерге сәйкеслестириледи;

 - өтиў дәўири (2022-2026-жыллар)- сәйкеслестирилген норма ҳәм қағыйдалар әмелиятта қолланылады, қурылыс тараўына инновациялар енгизиледи;

 - жуўмақлаўшы дәўир (2027-2028-жыллар)- қурылыс тараўының бирден бир норматив базасы жаратылады.

2019-жыл 1-мартқа шекем төмендегилер бойынша усыныс киргизиледи:

 - сырт ел компанияларын тартқан ҳалда Өзбекстанда ислеп шығарылмайтуғын ҳәм мәмлекет аймағына биринши рет алып киргизилетуғын қурылыс әсбап-үскенелери, техникасы, материаллары ҳәм буйымларын сертификатлайтуғын сынаў лабораторияларын шөлкемлестириў;

 - мәмлекетлик органларында кеңселик объектлерди қурыў ҳәм реконструкциялаў, капитал ҳәм ағымдағы оңлаў бойынша буйыртпашы функцияларын орынлаўшы қурамлық бөлимлер шөлкемлестириў;

 - есапланған баҳасы тастыйықланған жойбар-смета ҳүжжетлерине қарата асып кеткен қурылыс объектлерин финансластырыў тәртибин анықлаў;

 - мәмлекеттиң ҳәр бир аймағында ири қәнигелестирилген қурылыс-пудрат шөлкемлериниң искерлигин шөлкемлестириў.

Буннан тысқары, Пәрман менен Қурылыс нормалары ҳәм қағыйдалары Өзбекстан Республикасы Әдиллик министрлигинен мәжбүрий тәртипте дизимнен өтиў лазымлығы белгиленди.

Қурылыс министрлигине 2019-жыл 1-майға шекем Қаласазлық кодексиниң жаңа редакциясын ислеп шыгыў ўазыйпасы жүкленди.

 

Дерек: https://t.me/huqiqiymalimleme

скачать dle 10.6фильмы бесплатно



  • 16-11-2018, 10:29 |
  • 169