Пенсияға шығыў ушын зәрүр болған ҳүжжетлер топламын жыйнаў жумыс орнына жүклетилген

Нызамшылққа муўапық пенсияға шығыў ушын зәрүр болған ҳүжжетлер топламын жыйнаў жуўапкершилиги пуқара ислеп атырған шөлкем жуўапкершилигине жүклетилген.

Буның ушын:

 -  шөлкем ҳәкимшилиги ҳәр жылы декабрь айында жеке бетлер ҳәм мийнет дәптершелери тийкарында кейинги жылда ҳәм улыўмалық ҳәм жеңилликли шәртлерде пенсия алыў ҳуқықына ийе болатуғын хызметкерлер дизимин дүзеди;

 -  дизимге киритилген хызметкерлерге қарата шөлкем админстрациясы пенсия тайынлаў ушын ҳүжжетлерди алдыннан таярлаўға кириседи. Зәрүр болғанда шөлкем ҳәкимшилиги жетиспей атырған ҳүжжетлерди сорап алыў илажларын көриўи керек;

 -  шөлкем ҳәкимшилиги топланған барлық ҳүжжетлер тийкарында пенсия тайынлаў ушын усынысты рәсмийлестиреди.

Шөлкем хызметкер пенсия жасына жеткен күннен кешиктирмей оның пенсия алыў ҳуқықына ийе болғанлығын билдириўге мәжбүр.

Егерде хызметкер пенсия тайынлаў ҳаққында арза берген жағдайда шөлкем админстрациясы усы арза дизимге алынған ўақыттан баслап 10 күн даўамында зәрүр ҳүжжетлерди ҳәм усынысты толық рәсмийлестиреди ҳәм арза бериўшини олар менен (усынысға қол қойдырған ҳалда) таныстырады.

Ҳүжжетлер ҳәм усыныс шөлкем тәрепинен хызметкердиң арзасы менен бирге арза бериўшиниң жасаў орнындағы Пенсия фонды бөлмине жибериледи.

 

Дерек: https://t.me/huqiqiymalimleme

скачать dle 10.6фильмы бесплатно



  • 16-11-2018, 10:22 |
  • 364