Салық қарзы бар яки жоқлығы ҳаққында мағлыўматнама бериў тек ғана мәмлекетлик хызметлер орайлары арқалы көрсетиледи

 

Мәмлекетлик хызметлер орайлары тәренинен көрсетилитетуғын  хызмет турлери  барған сайын артып бармақта. Бул болса пуқаралардың барлық мүражатлары бир жерде орынланыўына өз үлесин қоспақта. Мысал етип айтатын болсақ,  салық төлеўшиниң идентификация номерин бериў ҳәм физикалық шахслардың – салықлар ҳәм басқа мәжбүрий төлемлерден салық қарзы бар яки жоқлығы ҳаққында мағлыўматнама бериў хызметлери енди тек ғана мәмлекетлик хызметлер орайлары арқалы көрсетилетуғын болды. Бул бойынша 2018-жыл 13-октябрьдеги Өзбекстан Республикасы Министрлер Кабинетиниң 823-санлы қарары менен Мәмлекетлик салық хызмети тараўында мәмлекетлик хызметлер көрсетиўдиң ҳәкимшилик регламенти тастыйықланған. Бул хызмет қосылғаннан баслап Нөкис районы мәмлекетлик хызметлер орайы тәрепинен 651 пуқараға салық төлеўшиниң идентификация номери (ИНН)  ҳәм 315 пуқараға салықлар ҳәм басқа мәжбүрий төлемлерден салық қарзы бар яки жоқлығы ҳаққында мағлыўматнама берилди.

Мәмлекетлик хызметлер орайына салық төлеўшиниң идентификация номерин алыў ушын мүражат еткенде тек ғана пуқара паспорты талап етиледи,  ал салықлар ҳәм басқа мәжбүрий төлемлерден салық қарзы бар яки жоқлығы ҳаққында мағлыўматнама алыў ушын пуқара паспорты ҳәм салық төлеўшиниң идентификация номери соның менен бирге электрон санлы имза талап етиледи

Бул хызметлер ҳәм басқа хызметлер Нөкис районы Мәмлекетлик хызметлер орайы тәрепинен көшпели турде де, яғный орынларға шыққан халда көрсетилип келинбекте. Жыл басынан жәми 220 көшпели мәмлекетлик хызмет көрсетилген болып соннан 100 ден асламы салық төлеўшиниң идентификация номерин бериў ҳәм салықлар ҳәм басқа мәжбүрий төлемлерден салық қарзы бар яки жоқлығы ҳаққында мағлыўматнама бериў хызметин көрсетиў болып есапланады. Мәмлекетлик хызметлер орайлары тәрепинен көрсетилетуғын хызметлер санының артып барыўы пуқаралар ушын  бир неше мәнзилге қатнаўдың орнына бир орында көпшилик мүражатлары қабыллананыўына жеңиллик туўылмақта.

Нөкис районы мәмлекетлик хызметлер орайы тәрепинен мәмлекетлик хызметлердиң ҳәр бир түри бойынша «Пуқаралар емес, ҳүжжетлер ҳәрекетленеди» принципине муўапық мәмлекетлик хызметлер көрсетиўде халқымыздың мүрәжатлары қысқа мүддетте орынланбақта.

 

А.Патшаханов

Нөкис районы Мәмлекетлик хызметлер орайы

бөлим баслығы

скачать dle 10.6фильмы бесплатно



  • 14-11-2018, 15:08 |
  • 410