Жумыссызлық напақасының берилиў тәртиби ҳаққында

Жумыссызлық напақасы жумыссыз деп тән алынған шахсқа ол жумыс излеп атырған шахс сыпатында жергиликли мийнет органында дизимнен өткен күннен баслап тайынланады. Қарамағында үшеўге шекем кишкене баласы болған, отыз бес жасқа толмаған жумыссыз еркеклерге жумыссызлық напақасы олар ҳақы төленетуғын жәмийетлик жумысларында қатнасқан жағдайда тайынланады.

Жумыссызлар – он алты жастан тап пенсия менен тәмийинлениў ҳуқықын алыўға шекем болған жастағы, ҳақы төленетуғын жумысқа ямаса дәрамат келтиретуғын шынығыўға ийе болмаған, жумыс излеп жүрген ҳәм жумыс усынылса, оған кирисиўге таяр болған ямаса кәсипке таярлаўдан, қайта таярлаўдан өтиўге яки маманлығын асырыўға таяр болған мийнетге уқыплы шахслар.

Жумыссызлық напақасы төмендеги мүддетлерде ҳәм муғдарларда төленеди:

 -  жумыстан ҳәм ис ҳақыдан айрылған ямаса узақ дем алыстан соң ислеўди қайта баслаўға ҳәрекет етип атырған шахсларға он еки айлық дәўир даўамында жигирма алты ҳәпте, алдынғы жумыс орнындағы ис ҳақының елиў проценти муғдарында, бирақ ең кем ис ҳақыдан аз болмаған ҳәм орташа ис ҳақыдан артық болмаған муғдарда;

 -  алдын ислемеген шахсларға он еки айлық дәўирде он үш ҳәпте, ең кем ис ҳақының кеминде жетпис бес проценти муғдарында.

 

Дерек: https://t.me/huqiqiymalimleme

скачать dle 10.6фильмы бесплатно



  • 10-11-2018, 22:39 |
  • 556