Сайлаў кодекси қабыл етиледи

Өзбекстан Республикасы Орайлық сайлаў комиссиясы жумысларын жетилистириў бойынша шөлкемлестириў ис-илажлары ҳаққындағы Президент қарары қабыл етилди.

Қарар менен сайлаў системасын жәнеде жетилистириўдиң ең әҳмийетли бағдары етип соның ишинде, сайлаўларды өткериўде жәмйиетлик қадағалаўды күшейтириў, сайлаў комиссиялары искерлигинде жәмийешилик қатнасын кең тәмийинлеў белгиленди.

Буннан тысқары, қарарға муўапық Орайлық сайлаў комиссиясы ағзалары қол қатылмаслық статусы бойынша Олий Мажлис Нызамшылық палатасы депутатлары ҳәм Сенаты ағзаларына теңлестирилди.

Орайлық сайлаў комиссиясы қурамында Сайлаў нызамшылығы ҳәм заманагөй технологиялар бойынша оқыў орайы шөлкемлестирилди. Орайлық сайлаў комиссиясы ағзаларын оқытыў ҳәм олардың маманлығын асырыўды әмелге асырады.

Сондай-ақ, қарар менен Сайлаў нызамшылығы ҳәм ҳуқықты қоллаў әмелиятын жетилистириў бойынша ис-илажлар дәстүри тастыйықланды.

Дәстүрге муўапық Орайлық сайлаў комиссиясы тәрепинен ислеп шығылған Сайлаў кодекси жойбарын жәмийетлик додалаўдан өткериў, додалаў нәтийжелерине көре жойбар текстин жетилистириў ҳәм Сайлаў кодексин қабыл етиў (мүддет 2018-жыл ноябрь-декабрь), сондай-ақ басқа нызам ҳүжжетлери ҳәм Орайлық сайлаў комиссиясы ҳүжжетлерин Сайлаў кодексине муўапықластырыў режелестирилген.

 

Дерек: https://t.me/huqiqiymalimleme

скачать dle 10.6фильмы бесплатно



  • 7-11-2018, 15:12 |
  • 124