Телефондағы дәлиллер

«Тек жүрген тоқ жүрер» дейди халқымыз. Сол айт­қандай, айырым пуқараларымыз ислеп атырған ҳәрекетиниң нызамсыз екенлигин биле турып жынаятқа қол урады.

1983-жылы Беруний ра­йонында туўылған, Нөкис қаласы, А.Садиков көшесинде жасаўшы А.А. ҳәкимшилик исине топланған фактлерге нәзер салар екенбиз, ислеген ҳәрекетлери ҳуқықбузарлық ҳәрекет екенлигин тийисли жеринде барып түсинип жетти.

Халқымыздың пәраўан турмыста жасаўы ушын күни-түни тынышлығымызды гүзетип атырған Ишки ислер уйымы хызметкерлериниң алып барып атырған профилактикалық илажларының биринде А.А-ға тийисли.«H7A238» маркалы қол телефоны ҳәм флешкарта ядында диний мазмундағы видео ҳәм аудио материаллар барлығы анықланып, бул буйымлары тийисли тәртипте айғақлы зат ретинде рәсмийлестирип алын­ған.

Анықланыўынша, А.А. жыллар даўамында Қазақстан Республикасына барып жумыс ислейди. Динге қызығып баслаған ол намаз оқыўды дәслеп атасы А.Қ-дан үйренеди. Диний әмеллерди орынлап келген ол билмегенлерин мешит имамынан, аўыл молласынан сорап, интернет материалларынан үйренген. Телефондағы материалларды басқа таныс-билислериниң телефонларына өткерип келген.

Өзбекстан Республикасы Министрлер Кабинети жанындағы Дин ислери бо­йынша комитети экспертиниң берген мағлыўматларына сүйенер болсақ, айғақлы зат ретинде рәсмийлестирип алынған телефон ядындағы диний мазмундағы мате­риалларды алып кириў, сақлаў, тарқатыў қадаған екенлиги көрсетилген.

Телефондағы дәлиллер А.А.-ты әдил суд алдында жуўап бериўине ҳәм жәрийма жазасын төлеўине мәжбүр етти.

 

Б.ҚУРБАНОВ

Дерек: «Еркин Қарақалпақстан» газетасы

скачать dle 10.6фильмы бесплатно



  • 17-10-2018, 09:52 |
  • 534