Қарақалпақстанда Президент жанындағы Аралбойы Халық аралық инновация орайы шөлкемлестириледи

 

Қарақалпақстанда Президент жанындағы Аралбойы Халық аралық инновация орайы шөлкемлестириледи

 

2018-жылдың 16-18-октябрь күнлери Самарқандта болып атырған «Арал теңизи бассейнинде турақлы басқарыў ҳәм социаллық турақлылықты тәмийинлеўде инновациялық жантасыўлар» Халық аралық форумы шеңберинде Инновациялық раўажланыў министрлиги ҳәм Шорланыў шәраятында биодийханшылық халық аралық орайы (ICBA) ортасында аңласыў меморандумы тастыйықланды. Бул ҳаққында kun.uz хабар берди.

Бул ҳүжжет пенен Өзбекстанда Арал теңизи бассейни бойынша Халық аралық инновациялық орайды шөлкемлестириў нәзерде тутылған. Меморандумның мақсети – Орайды шөлкемлестириўге байланыслы келешектеги додалаўлар ушын тийкар жаратыў. Орай Қарақалпақстан Республикасының Нөкис қаласында жайласады ҳәм шорланыў шәраятында изертлеўлер, технологиялар трансфери ҳәм тәлим тараўында алдағы инновациялық орайына айланады.

ICBA техникалық-экономикалық тийкарды таярлаў ҳәм Орайды шөлкемлестириў бойынша комплекс усыныс процессин басқарады.

Инновациялық раўажланыў министри Иброҳим Абдураҳмоновтың айтыўынша, 2018-2021-жылларда Аралбойы регионын раўажландырыў бойынша мәмлекет бағдарламасы қабылланды. Министрлик тәрепинен Арал теңизи ҳәм аймақ тәғдирине бийпарқ болмаған илимий-изертлеў институтлары ҳәм халық аралық шөлкемлер ўәкиллери менен анық бағдарланған ислер алып барылып атыр ҳәм бир қанша ушырасыўлар өткерилди. Ислер нәтийжелерине бола, Өзбекстан Республикасы Президенти жанындағы Аралбойы Халық аралық инновациялық орайын шөлкемлестириў бойынша келисимге ерисилген.

Министр, сондай-ақ, Орайлық Азия аймағы ўәкиллери ҳәм шөлкемлерин Аралбойы аймағындағы экологиялық дағдарыс нәтийжелерин сапластырыўда қатнасыўға шақырды.

 

Аўдарма: makan.uz

скачать dle 10.6фильмы бесплатно



  • 16-10-2018, 15:18 |
  • 116