1941−1945-жыллардағы урыс қатнасыўшылары 2 млн сўмнан алады

1941−1945-жыллардағы урыс қатнасыўшылары 2 млн сўмнан алады

Өзбекистан Президенти Шавкат Мирзиёев «Екинши жәҳән урысы қатнасыўшыларын хошаметлеў ҳаққында»ғы қарарын тастыйықлады.

9-май улыўма-халықлық байрам – Еслеў ҳәм Қәдирлеў күни өткерилиўи, сондай-ақ, 1941-1945-жыллардағы Екинши жәҳән урысында фашизм үстинен ерисилген жеңистиң 72 жыллығы мүнәсибети менен ҳәм урыс қатнасыўшылары ҳәм нәгиранларын материаллық хошаметлеў мақсетинде 2 млн сўм муғдарында бир мәртелик пул сыйлығы белгиленди.

Қорғаныў министрлиги, Ишки ислер министрлиги, Миллий қәўипсизлик хызмети Финанс министрлиги ҳәм Орайлық банк пенен биргеликте усы пул сыйлығын салтанатлы ҳәм байрам руўҳында тапсырады. Бул ҳаққында gazeta.uz хабар бермекте.

Мағлыўмат ушын айтып өтемиз, өткен жылы урыс қатнасыўшылары ҳәм нәгиранларға байрам мүнәсибети менен 800 мың сўмнан пул сыйлығы берилген еди.

Президент тастыйықлаған ҳүжжетке муўапық, Өзбекистанның барлық аймақларында көшелер ҳәм майданлар Еслеў ҳәм Қәдирлеў күнине арналған плакат ҳәм стендлер менен безеледи. Байрам дәстурханлары жайылып, Екинши жәҳән урысы ўақтындағы композициялар инсталяциясы, соның ишинде урыс жылларындағы қосық ҳәм сазлары қойылады.
Өзбекистан Қорғаныў министрлигине Еслеў ҳәм Қәдирлеў күни мүнәсибети менен Ташкент қаласында 9-май күни саат 21:00 де байрам салютин шөлкемлестириў ўазыйпасы тапсырылған, деп хабар бермекте kun.uz.

Фото: ЎзА
скачать dle 10.6фильмы бесплатно



  • 5-04-2017, 09:47 |
  • 861