Өзбекстан Паспортлар индексинде 82-орынды ийеледи

Henley & Partners компаниясының жаңаланған Паспортлар индексинде (Passport Index) Өзбекстан 82-орынды ийеледи. Алдынырақ, Өзбекстан 76-орынға жайластырылған еди.

Henley & Partners компаниясының жыллық Паспортлар индекси жәҳанниң 200 ден аслам мәмлекетлери ҳәм аймақларындағы визасыз шығылатуғын мәмлекетлер саны бойынша ажыратып шығады.

Henley & Partners компаниясы барлық мәмлекетлер ҳәм аймақлардағы виза тәртип-қағыйдаларын дыққат пенен үйренип шықты ҳәм ҳәрекетлениў еркинлиги дәрежеси бойынша мәмлекетлер дизимин дүзди.

Индекске муўапық, Өзбекстан пуқаралары визасыз 59 мәмлекетке барыўлары мүмкин. Рейтингде биринши орында Япония. Япония паспорты менен дүньяның 190 мәмлекетине визасыз саяҳат етиў мүмкин. Екинши орында Германия ҳәм Сингапур (189 мәмлекет).

Еслетип өтемиз, алдынырақ Өзбекстан Республикасында паспорт системасы ҳаққындағы нызамға өзгерис ҳәм қосымшалар киргизиў ҳаққындағы Президент пәрманы қабылланған еди, деп жазады kun.uz.

 

Аўдарма: makan.uz

 

 

скачать dle 10.6фильмы бесплатно



  • 11-10-2018, 10:29 |
  • 67