Нөкис қаласы мәмлекетлик хызметлер орайы: ФИЗИКАЛЫҚ ҲӘМ ЮРИДИКАЛЫҚ ШАХСЛАРДЫҢ ДЫҚҚАТЫНА!

 Өзбекстан Республикасы Президентиниң 2017-жыл 12-январьдағы «Халыққа мәмлекетлик хызметлер көрсетиўдиң миллий системасын түп-тийкарынан реформалаў илажлары ҳаққында»ғы Пәрманына ҳәм 2018-жыл 11-апрельдеги «Мәмлекетлик хызметлер көрсетиў системасын жедел раўажландырыў бойынша қосымша илажлар ҳаққында»ғы қарарына муўапық физикалық ҳәм юридикалық шахсларға мәмлекет ҳәм хожалық баcқарыўы уйымлары, жергиликли мәмлекетлик ҳәкимият уйымлары, коммерциялық банклер арқалы көрсетилетуғын барлық түрдеги хызметлерден пайдаланыўлары ушын электрон санлы имза гилтин алыў талап етиледи.

Өзбекстан Республикасы Министрлер Кабинетиниң усы жыл 10-майдағы «Мәмлекетлик хызметлер орайлары арқалы электрон санлы имза гилтин дизимге алыў ҳәм электрон санлы имза гилтиниң сертификатын бериў бойынша мәмлекетлик хызметлер көрсетиўдиң ҳәкимшилик регламентин тастыйықлаў ҳаққында»ғы қарарына муўапық барлық түрдеги мәмлекетлик хызметлерден еркин пайдаланыўды тәмийинлейтуғын электрон санлы имза гилтин бериў бойынша мәмлекетлик хызметлер көрсетиўдиң схемасы, оны алыў ушын сораўнамасын толтырыў тәртиби, электрон санлы имза гилтиниң сертификатларының реестри, мәмлекетлик хызметлер көрсетиўдиң ҳәкимшилик регламенти тастыйықланды.

Нөкис қаласы мәмлекетлик хызметлер орайы тәрепинен усы жылдың өткен март-август айлары аралығында жәми 12472, соның ишинде 567 юридикалық ҳәм 11905 физикалық шахсқа электрон санлы имза гилти берилди. Электрон санлы имза гилтиниң сертификатын алыў ушын физикалық ҳәм юридикалық шахслар өзлерин тастыйықлаўшы ҳүжжетлери (паспорты, әскерий билети, аўдаўшылық гүўалығы ҳ. т. б) менен Мәмлекетлик хызметлер орайына өзи келген ҳалда ямаса Бирден-бир интерактив портал арқалы мүрәжат етиўлери мүмкин. Мүрәжат етиўши ЭРИ гилтиниң сертификатын алыў ушын жыйым төлейди. Кәсип-өнер колледжлери ҳәм академиялық лицейлердиң оқыўшыларына бийпул бериледи. Мәмлекетлик хызметлер орайында сизлерге қысқа мүддетте сапалы хызмет көрсетиў ушын барлық шараятлар жаратылған.

Бәрше физикалық ҳәм юридикалық шахсларды электрон санлы имза гилтин алыўға шақырамыз. Бул мәмлекет ҳәм хожалық баcқарыўы уйымлары, жергиликли мәмлекетлик ҳәкимият уйымлары, коммерциялық банклер арқалы көрсетилетуғын барлық түрдеги хызметлерден еркин пайдаланыў ҳуқуқын береди.

 

Нөкис қаласы мәмлекетлик хызметлер орайы.

Мағлыўмат ушын телефонлар:

61-222-70-35

61-222-70-96


 

скачать dle 10.6фильмы бесплатно



  • 3-10-2018, 21:50 |
  • 846